യുദ്ധത്തിന്‍റെ ദുരിതങ്ങളുടെ ഒാര്‍മ്മപ്പെടുത്തലുകളുമായി ഹിരോഷിമ-നാഗസാക്കി ദിനാചരണം*
മൊഗ്രാല്‍പുത്തൂര്‍: യുദ്ധം ലോകത്തിന് നല്‍കിയ ദുരിതങ്ങളുടെ ഒാര്‍മ്മപ്പെടുത്തലുകളുമായി GHSS മൊഗ്രാല്‍പുത്തൂരില്‍ ഹിരോഷിമ-നാഗസാക്കി ദിനാചരണം നടന്നു. സയന്‍സ്-സോഷ്യല്‍സയന്‍സ് ക്ളബ്ബുകളുടെ സംയുക്താഭിമുഖ്യത്തില്‍ വിവിധപരിപാടികള്‍ സംഘടിപ്പിച്ചു. ദിനാചരണത്തോടനുബന്ധിച്ച് നടന്ന പ്രത്യേക അസംബ്ളിയില്‍ ഹെഡ്മാസ്റ്റര്‍ കെ.അരവിന്ദ സമാധാനത്തിന്‍റെ പ്രതീകമായ വെളളരിപ്രാവിനെ പറത്തുകയും യുദ്ധവിരുദ്ധസന്ദേശം നല്‍കുകയും ചെയ്തു. തുടര്‍ന്നു നടന്ന പ്രസംഗത്തില്‍ യുദ്ധത്തിന്‍റെ കെടുതികള്‍ വിശദീകരിക്കപ്പെട്ടു. കുട്ടികള്‍ സഡാക്കോ കൊക്കുകള്‍ ഉണ്ടാക്കി. യു.പി, ഹൈസ്ക്കൂള്‍ കുട്ടികള്‍ പങ്കെടുത്ത യുദ്ധവിരുദ്ധസൈക്കിള്‍ റാലി നടത്തി. സ്ക്കൂളില്‍ നിന്ന് ആരംഭിച്ച റാലി സീനിയര്‍ അസിസ്റ്റന്‍റ് ഹമീദ് മാസ്റ്റര്‍ ഫ്ളാഗ് ഒാഫ് ചെയ്തു. കുന്നില്‍ വഴി മൊഗ്രാല്‍പുത്തൂരെത്തിയ റാലി യുദ്ധവിരുദ്ധസന്ദേശം നല്‍കി തിരികെയെത്തി. വിനോദ് കുമാര്‍,, രാജന്‍ കോട്ടപ്പുറം, G.K.ഭട്ട് സാര്‍, സൈദലവി എന്നിവര്‍ റാലിയെ അനുഗമിച്ചു.
0 comments:
Post a Comment