കണ്ടലിനെ കണ്ടറിഞ്ഞും കണ്ടലുകൾ നട്ടുപിടിപ്പിച്ചും കല്ലേൻ പൊക്കുടന്റെ സ്മരണയിൽ വിദ്യാർഥികൾ. മൊഗ്രാൽപുത്തുർ ഗവ.ഹയർ സെക്കന്ററി സ്കൂൾ ഫോറസ്ട്രി ക്ലബ്ബിന്റെ ആഭിമുഖ്യത്തിലാണ് രാവിലെ ഏഴു മണി തൊട്ട് വിദ്യാർഥികൾ കണ്ടലിന്റെ പാരിസ്ഥിതിക പ്രാധാന്യം തൊട്ടറിഞ്ഞ പരിപാടി ഒരുക്കിയത്. ഹെഡ്മാസ്റ്റർ കെ.അരവിന്ദ ഉദ്ഘാടനം ചെയ്തു.പി.വേണുഗോപാലൻ ക്ലാസെടുത്തു.കെ.അബ്ദുൾ ഹമീദ്, ടി.എം.രാജേഷ്, സി.എച്ച് നവീൻകുമാർ, സുരേഷ് പുത്തുർ എന്നിവർ സംസാരിച്ചു.

 

സ്കൂളിലെ വിത്ത് ബാങ്കിൽ നിന്നും വിദ്യാർഥികൾക്ക് അട്ടപ്പാടി തുവരവിത്തുകൾ വായ്പയായി നൽകൂന്നതിന്റെ ഉദ്ഘാടനം ഹെഡ്മാസ്റ്റർ കെ.അരവിന്ദനിർവഹിക്കുന്നു

കുടുംബ കൃഷി മത്സരത്തിന്റെ ഭാഗമായി വിദ്യാർഥികൾക്കുള്ള പച്ചക്കറിവിത്തു വിതരണത്തിന്റെ ഉദ്ഘാടനം ഹെഡ്മാസ്റ്റർ കെ.അരവിന്ദനിർവഹിക്കുന്നു

One day with mothers

A parent-teacher conference is a short meeting or conference between the parents and teachers of students to discuss children's progress at school and find solutions to academic or behavioural problems.But here a teacher conducted a entirely different parents meeting  to make I std at first Smt Prameela teacher conducted a workshop for mothers of I std to recondition the books and worksheet of students studing in I std.

ബഹിരാകാശ വാരാചരണം

മൊബൈൽ ഫോണും ടെലി മെഡിസിനും തൊട്ട് ചുഴലിക്കാറ്റിനെക്കുറിച്ചുള്ള പ്രവചനം വരെ ബഹിരാകാശ ഗവേഷണത്തിന്റെ ഗുണഫലങ്ങളാണെന്ന് ചൂണ്ടിക്കാട്ടി ബോധവൽക്കരണ ക്ലാസ്. മൊഗ്രാൽപുത്തുർ ഗവ.ഹയർ സെക്കന്ററി സ്കൂളിലാണ് ബഹിരാകാശ വാരാചരണത്തിന്റെ ഭാഗമായി ISRO ,\/SSC എന്നിവയുടെ ആഭിമുഖ്യത്തിൽ ബഹിരാകാശ വിജ്ഞാനത്തിന്റെ വാതായനങ്ങൾ ഐ.ടി.സഹായത്തോടെ തുറന്നിട്ടത്.i: .ഐ എസ് ആർ ഒ ഡെപ്യൂട്ടി ജനറൽ മാനേജർ മുരളീകൃഷ്ണൻ ക്ലാസ് നയിച്ചു. പി. ടി.എ.പ്രസിഡന്റ് പി.ബി.അബ്ദുറഹിമാൻ ഉദ്ഘാടനം ചെയ്തു. ഹെഡ്മാസ്റ്റർ കെ.അരവിന്ദ അധ്യക്ഷനായി.എ.ഗിരീഷ് ബാബു, എം.എൻ.രാഘവ എന്നിവർ സംസാരിച്ചു. കെ.അബ്ദുള്‍ ഹമിദ് ആശംസകളര്‍പ്പിച്ചു.

സീഡ്

തുടർച്ചയായി അഞ്ചാം വർഷവും മാതൃഭൂമി- സീ ഡിന്റെ പുരസ്കാരത്തിളക്കവുമായി മൊഗ്രാൽപുത്തുർ ഗവ.ഹയർ സെക്കന്ററി സ്കൂൾ. ആദ്യത്തെ മൂന്നു വർഷം കാസർകോട് വിദ്യാഭ്യാസ ജില്ലയിൽ ഒന്നാം സ്ഥാനവും തുടർന്നുള്ള രണ്ടു വർഷം രണ്ടാം സ്ഥാനവുമാണ് ഈ വിദ്യാലയത്തെ തേടിയെത്തിയത്. ഇത്തവണത്തെ ജില്ലാതല അവാർഡ് ദാനം പ്രശസ്ത കഥാകൃത്ത് സന്തോഷ് ഏച്ചിക്കാനം നിർവഹിച്ചു.

ഐ.എസ്.എം സന്ദർശനം

            മൊഗ്രാൽപുത്തുർ ഗവ.ഹയർ സെക്കന്ററി സ്കൂളിൽ ഇന്ന് (O 1.10.2015) ഐ.എസ്.എം.സംഘം സന്ദർശനം നടത്തി.ഡി.ഡി.ഇ.സൗമിനി കല്ലത്ത്, ഡയറ്റ് പ്രിൻസിപ്പാൾ ഡോ. പി.വി.കൃഷ്ണകുമാർ, ഡയറ്റ് സീനിയർ ലക്ചറർ ജനാർദനൻ മാസ്റ്റർ, കാസർകോട് എ.ഇ.ഒ.കെ.രവീന്ദ്രനാഥൻ എന്നിവരാണ് സംഘത്തിലുണ്ടായിരുന്നത്. സ്കൂളിലെ അക്കാദമിക് - അക്കാദമി കേതര പ്രവർത്തനങ്ങളിൽ ടീം പൊതുവെ തൃപ്തി രേഖപ്പെടുത്തി.

ലോക വയോജന ദിനാചരണം

                   ലോക വയോജന ദിനാചരണത്തിന്റെ ഭാഗമായി മൊഗ്രാൽപുത്തുർ ഗ്രാമത്തിലെ വിവിധ മേഖലകളിലുളളനാല് മുതിർന്ന പൗരൻമാരെ പൊന്നാട അണിയിച്ചാ ദരിച്ചു. ഹെഡ്മാസ്റ്റർ കെ.അരവിന്ദ ഉദ്ഘാടനം ചെയ്തു. പിടിഎ പ്രസിഡന്റ് പി.ബി.അബ്ദുറഹിമാൻ അധ്യക്ഷനായി. ആദരിക്കപ്പെട്ടവർ അവരുടെ ജീവിതാനുഭവങ്ങൾ കുട്ടികളുമായി പങ്കുവെച്ചു.

പുഷ്പമേള

ഒന്നാംതരത്തിലെ മണവും മധുരവും എന്ന പാഠഭാഗത്തെ ആസ്പദമാക്കിമൊഗ്രാൽപുത്തൂർ.ഗവ.ഹയർ സെക്കന്ററി സ്കൂളിൽ രക്ഷിതാക്കളും കുട്ടികളും അധ്യാപികമാരും ചേർന്ന് പുഷ്പമേളയൊരുക്കി. മൺമറയുന്ന ഒട്ടേറെ നാട്ടുപൂക്കൾ ഒത്തു ചേർന്നു ഈ മേളയിൽ.84 ഇനം പൂക്കൾ മേളയിൽ നിറക്കാഴ്ച പകർന്നു.''