പ്രളയഭീതിയിലും മാറ്റ് കുറയാതെ സ്വാതന്ത്രൃദിനാഘോഷം

മൊഗ്രാൽപുത്തൂ൪: പ്രളയദുരന്തത്തിൽ കേരളം വിറങ്ങലിച്ച് നിൽക്കു൩ോൾ നമ്മുടെ ജില്ലയും പ്രളയ സാധ്യത പട്ടികയിൽ ഇടം നേടു൩ോൾ കനത്ത മഴയെ അവഗണിച്ച് നമ്മുടെ വിദ്യാലയത്തിലും 73ാം സ്വാതന്ത്രൃദിനാഘോഷം അതിൻെറ മാറ്റും പൊലിമയും കുറയാതെ ആഘോഷിച്ചു.പി.ടി എ പ്രസിഡൻ്റ മഹമ്മൂദ് ബെളളൂ൪,എച്ച്.എം.സി ചെയ൪മാൻ പി  ബി അബ്ദുൾ റഹ്മാൻ,പി.ടി എ വൈസ് പ്രസിഡൻ്റ എന്നിവരുടെ സാന്നിധ്യത്തിൽ ഹെഡ്മാസ്റ്റ൪ കെ. അരവിന്ദ പതാക ഉയ൪ത്തി.പ്രിൻസിപ്പൽ ഇൻചാ൪ജ് രഘുമാസ്ററ൪ മുഖ്യപ്രഭാഷണം നടത്തി.സീനിയ൪ അസിസ്ററൻ്റ അബ്ദുൾ ഹമീദ്,പി.ടി എ ഭാരവാഹികൾ എന്നിവ൪ സംസാരിച്ചു.സ൪വ്വീസിലിരിക്കെ മരണപ്പെട്ട നമ്മുടെ വിദ്യാലയ

ത്തിലെ പ്രിയ ഹിന്ദി അധ്യാപിക കെ . ചന്ദ്രികടീച്ച൪ സ്മരണാ൪ത്ഥം ഹിന്ദി ഭാഷയിൽ മുന്നോക്കം നിൽക്കുന്നവ൪ക്ക്  നൽകുന്ന ഹിന്ദി ലാഗ്യേജ്  എക്സിലൻസ് അവാ൪ഡ് ഫാത്തിമ.യു,ശ്രീവിദ്യ.എസ്,ഫാത്തിമത്ത് അഫീന,വന്ദന.പി എന്നീ വിദ്യാ൪ത്ഥിനികൾക്ക് സമ്മാനിച്ചു.കുട്ടികളുടെ ദേശഭക്തിഗാനം,സംഗീതശിൽപ്പം എന്നീ കലാപരിപാടികൾ അരങ്ങേറി കൂടെ മധുര പലഹാരവിതരണവും നടന്നു.

വായനാവസന്തം വിരിയിച്ച് വായനാവാരം

    മൊഗ്രാൽപുത്തൂ൪:അക്ഷരങ്ങളിലൂടെ,വാക്കുകളിലൂടെ വായനയുടെ വിസ്മയ ലോകത്തേക്കെത്തിച്ച വായന ദിനം എൽപി,യുപി,ഹൈസ്കുൂൾ വിദ്യാ൪ത്ഥികൾ വിവിധ പരിപാടികളോടെ ആഘോഷിച്ചു.വായനയുടെ ആചാര്യനായ ഗ്രന്ഥശാല സംഘത്തിൻൊ അമരക്കാരനായ പി.എൻ പണിക്കരുടെ ഓ൪മ്മക്കായുളള ഈ ദിനത്തിൽ വിദ്യാ൪ത്ഥികൾ തയ്യാറാക്കിയ ചാ൪ട്ട് പ്രദ൪ശനം,വിദ്യാരംഗം ക്ലബിൻെറ നേതൃത്വത്തിലുളള അസംബ്ലിയിൽ സ്വന്തം കവിതാലാപനവുമായി സാബിത്ത്-10 c,വായനദിന പ്രതിജ്‍ഞ മിസ് രിയ-10 c, പുസ്തകാവലോകോനം സ്നേഹ -8c,വായനദിന പ്രാധാന്യത്തെക്കുറിച്ചുളള പ്രസംഗം സിതാര -8c എന്നിവ നടന്നു. യു.പി ഹൈസ്കൂൾ വിദ്യാർത്ഥികൾക്കായി നടത്തിയ റേഡിയോ ക്വിസ്സ് ആവേശകരമായി.എൽ.പിതലം വിദ്യാ൪ത്ഥികൾ തയ്യാറാക്കിയ അക്ഷരമരം ഏറെ ശ്രദ്ധയാക൪ഷിച്ചു.അക്ഷരകാർഡുകൾ,സുഹൃത്തിനൊരു പുസ്തകം,ക്ലാസ്സ് ലൈബ്രറിയുടെ നേതൃത്വത്തിൽ പുസ്തകപ്രദ൪ശനം ഇവയൊക്കെ വായനാവാരത്തിൽ നടന്ന പ്രവ൪ത്തനങ്ങളാണ്.വിജയികൾക്കുളള സമ്മാനവിതരണം അസംബ്ലിയിൽ ബഹുമാനപ്പെട്ട ഹെഡ്മാസ്ററ൪ അരവിന്ദ നി൪വ്വഹിച്ചു.

ഓരോ വിദ്യാ൪ത്ഥിയുടെ ഉളളിലും അറിവിൻെറ വായനയുടെ അഗ്നിജ്വലിപ്പിച്ച് കൊണ്ട് വായനാവാരം കടന്ന്പോയി.

ജൂണ്‍ 5 പരിസ്ഥിതി ദിനം

                                     വർണ്ണവിസ്മയമായി പ്രവേശനോത്സവം:         

                             
 മൊഗ്രാൽപുത്തൂർ:  അക്ഷരത്തിരുമുറ്റത്തെത്തിയ നവാഗത പ്രതിഭകൾക്ക്  ഊഷ്മളമായ വരവേൽപ്പു നല്കി ജി.എച്ച്.എസ്.എസ്. മൊഗ്രാൽപുത്തൂർ .വർണ്ണ റിബ്ബണുകളും, ബലൂണുകളും വാനിലുയർത്തി, നിറപ്പകിട്ടാർന്ന പരവതാനിയിലൂടെ കുരുന്നുകൾക്ക് ക്ലാസ് മുറിയിലേക്ക് വഴിയൊരുക്കിയാണ് അധ്യാപകരും രക്ഷിതാക്കളും വിദ്യാർത്ഥികളുമെല്ലാം കുരുന്നുകളെ ഉത്സാഹഭരിതരാക്കിയത്.. മൊഗ്രാൽപുത്തൂർ ഗ്രാമപഞ്ചായത്ത്തല പ്രവേശനോത്സവമായിരുന്നു ജി.എച്ച്.എസ്.എസിൽ നടന്നത്.പഞ്ചായത്ത് പ്രസിഡണ്ട് ശ്രീ എ.ഏ.ജലീൽ ചടങ്ങ് ഉദ്ഘാടനം ചെയ്തു.. വികസന ,വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻമാരായ ശ്രീ മുജീബ്കമ്പാർ, ഹമീദ് ബെള്ളൂർ, ഹെഡ്മാസ്റ്റർ ശ്രീ.അരവിന്ദ കെ. തുടങ്ങിയവർ ആശംസകളർപ്പിച്ചു സംസാരിച്ചു.. ചടങ്ങിൽ വെച്ച് വിദ്യാർത്ഥികൾക്ക്  പഠന കിറ്റുകളും മധുര പലഹാരങ്ങളും വിതരണം ചെയ്തു..

ജൈവ ചീര കൃഷി വിളവെടുപ്പ്

മൊഗ്രാൽ പുത്തൂർ ഗവ. ഹയർ സെക്കൻഡറി സ്കൂൾ പരിസ്ഥിതി -സീഡ് -നല്ല പാഠം ക്ലബ്ബ് കളുടെ നേതൃത്വ ത്തിൽ കേരള കാർഷിക വികസന കർഷക ക്ഷേമ വകുപ്പ് സ്കൂൾ പച്ചക്കറി ത്തോട്ടം പദ്ധതി യിൽ പെടുത്തി മൊഗ്രാൽ പുത്തൂർ പഞ്ചായത്ത്‌ കൃഷി ഭവൻ  മുഖേന നടപ്പാക്കിയ ജൈവ പച്ചക്കറി കൃഷി ത്തോട്ടത്തിൽ ഒന്നാം ഘട്ടമായി  വിളഞ്ഞ വർഷ കാല ചീര വിളവെടുപ്പ് നടത്തി. വർഷകാലത്ത് പരമ്പരാഗതമായി കൃഷി ചെയ്ത് വന്നിരുന്ന നാടൻ ചീര വിത്തിനമാണ് ഇലക്കറിക്കും വിത്തുല്പാദനത്തിനുമായി കൃഷിയിറക്കിയിട്ടുള്ളത്. അന്യം വന്ന്‌ പോകുന്ന നാടൻ പച്ചക്കറി വിത്തുകൾ സംരക്ഷിച്ചു നിർത്തുന്നതിനായ് നാട്ടറിവുകൾ പ്രയോജനപ്പെടുത്തി കൊണ്ട് ജൈവ രീതിയിൽ കൃഷി ചെയ്യുകയും ഗുണമേന്മയുള്ള വിത്തുകൾ ശേഖരിച് ശാസ്ത്രീയമായി സംസ്‌കരിച്ച വിത്തുപൊതികൾ കുട്ടികൾ ക്ക് അടുക്കള ത്തോട്ടത്തിൽ കൃഷി ചെയ്യുന്നതിനായി നൽകുന്ന പദ്ധതിക്കാണ് പ്രവർത്തനം കുറിച്ചിട്ടുള്ളത്. 

ഹെഡ്മാസ്റ്റർ കെ  അരവിന്ദയുടെ അദ്ധ്യക്ഷതയിൽ മൊഗ്രാൽ പുത്തൂർ കൃഷി ഓഫീസർ ചവന നരസിംഹലു വിളവെടുപ്പ് ഉദ്‌ഘാടനം ചെയ്തു. സീനിയർ അസിസ്റ്റന്റ് കെ അബ്ദുൽ ഹമീദ്, കൃഷി വകുപ്പ് ഉദ്യോഗസ്ഥരായ വിനോദ്  പി വി, മഹേഷ്‌  സി, സീഡ് കോഓർഡിനേറ്റർ രാഘവ എം എൻ, നല്ല പാഠം കോഓർഡിനേറ്റർ ജനാർദ്ദനൻ ടി വി, പ്രമീള വി വി, സുബൈദ സി വി, വിനോദ് കുമാർ കല്ലത്ത്, നവീൻ കുമാർ സി എച്, സ്റ്റുഡന്റ് കൺവീനർ മാരായ ജയപ്രകാശ്, ഫാത്തിമത് ജഹനാ ഷിറിൻ എന്നിവർ നേതൃത്വം നൽകി. വിളവെടുത്ത ചീര സ്കൂൾ ഉച്ചഭക്ഷണ പരിപാടിക്കായി നൽകി.

*അധ്യാപക ദിനാഘോഷം 2018

  മൊഗ്രാൽപുത്തൂർ  :സർഗ്ഗാ ത്മക ഗുരുശിഷ്യബന്ധത്തിന്റെ ചാരുതയും വശ്യതയും വിളിച്ചോതുന്ന   ഭാവനാസമ്പന്നവും വൈവിധ്യ പൂർണ്ണവുമായ പരിപാടികളാൽ സമ്പന്നമായിരുന്നുഈ വർഷത്തെ അധ്യാപക ദിനാചരണം.. അധ്യാപക വിദ്യാർത്ഥിബന്ധത്തിന്റെ രസതന്ത്രം   വിദ്യാർത്ഥികളുടെ കണ്ണുകളിലൂടെ നീരീക്ഷിക്കുന്നതിനുള്ള വലിയ ശ്രമങ്ങളായിരുന്നു ഓരോ പരിപാടിയും.ദിനാചരണ പ്രത്യേക അസംബ്ലിയിൽ മുഴുവൻ അധ്യാപകരെയും പ്രതീകാത്മകമായി ആദരിച്ചുകൊണ്ടായിരുന്നു തുടക്കം.. എല്ലാവർക്കും വേണ്ടി അധ്യാപക പ്രതിനിധികളായി ശ്രീ.ഹമീദ് മാസ്റ്റർ, ചെല്ലപ്പൻ സാർ, ശ്രീമതി വന്ദന ടീച്ചർ എന്നിവർ ആദരവ് ഏറ്റുവാങ്ങി.. സമീപഭൂതകാലത്ത് വിദ്യാലയത്തെ സമ്പന്നമാക്കി. കാലമെത്താതെ കടന്നു പോയ പ്രിയ അധ്യാപകർ ശ്രീ.ഫസലുൽ ഹഖ്, ശ്രീമതി ചന്ദ്രിക ടീച്ചർ എന്നിവരെ ആനുസ്മരിക്കുന്ന വേദി കൂടിയായി അസംബ്ലി മാറി.. അധ്യാപകർ വിദ്യാർത്ഥികളും, വിദ്യാർത്ഥികൾ അദ്ധ്യാപകരുമായി രൂപാന്തരപ്പെട്ട സർഗാത്മകത പല ക്ലാസുകളിലും അനുപമമായി മാറി.. കാലത്തിനൊപ്പമോ, കാലത്തിന് മുന്നേയോ കൈ പിടിച്ച് നടത്തുന്ന ഗുരുത്വത്തെ നിർവ്വചിക്കുന്ന ചാർട്ടുകൾ തയ്യാറാക്കി വിദ്യാർത്ഥികൾ തന്നെ പ്രദർശിപ്പിക്കുകയുണ്ടായി.ഗുരു ശിഷ്യബന്ധത്തിന്റെ രസച്ചരടുകൾ പൊട്ടാതെ നിലനിർത്തേണ്ട കാലത്തിന്റെ ആവശ്യകതയും, ആധികാരികതയും വിളിച്ചോതിയ സർഗ്ഗ സംവാദം നവ്യാനുഭവമായി മാറി.. അധ്യാപകരിൽ നിന്ന് വിദ്യാർത്ഥികൾ മാത്രമല്ല വിദ്യാർത്ഥികളിൽ നിന്ന് അധ്യാപകരും പഠിച്ചു കൊണ്ടേയിരിക്കണമെന്ന സന്ദേശം പറയാതെ പറയുന്ന ഒന്നായിരുന്നൂസർഗ്ഗ സംവാദം കുട്ടികളെപ്പോലെ ചിന്തിക്കുകയും പ്രവ്യത്തിക്കുകയും ചെയ്യുന്നവർക്കു മാത്രമേ കുട്ടികൾക്കൊപ്പമോ അവർക്ക് മുന്നിലോ നിലകൊള്ളാൻ കഴിയൂ എന്ന തിരിച്ചറിവായിരുന്നു കുട്ടികൾ സംഘടിപ്പിച്ച അധ്യാപകർക്കു വേണ്ടിയുള്ള കായിക മത്സരത്തിലെ പങ്കാളിത്തം '  അറിവിന്റെയും, തിരിച്ചറിവിന്റേയും ആത്മബന്ധങ്ങളുടെയും ഇഴചേരലുകളിൽ പുതിയ ഒരു ഊർജം പ്രദാനം ചെയ്യുന്ന ദിനമായിരുന്നൂ  അധ്യാപകർക്കും വിദ്യാർത്ഥികൾക്കും ഈ വർഷത്തെ അധ്യാപക ദിനാഘോഷം

കടലോളം കാരുണ്യവുമായൊരു കുരുന്ന് .

 മൊഗ്രാൽ പുത്തൂർ:   കാരുണ്യം പുസ്തകത്താളുകളിലെ കേവലമൊരു വാക്കല്ലെന്നും, ഹൃദയ ചോദനകളുടെ പ്രതിഫലനമാണെന്നും തെളിയിക്കുന്നു ജി.എച്ച്.എസ്.എസ് മൊഗ്രാൽപുത്തൂർ ആറാംതരം സി.യിലെ മുഹമ്മദ് മിഷാൽ  കേരളം നടുങ്ങിയ പ്രളയത്തിൽ ദുരിതബാധിതരായവർക്കൊപ്പം കൈകോർക്കുകയാണ് ഈ കൊച്ചു മിടുക്കൻ.. വർഷങ്ങളായി സ്കൂൾ സമ്പാദ്യ പദ്ധതിയിലൂടെ സ്വരൂ ക്കൂട്ടിയ തുക മുഴുവൻ  ദുരിതാശ്വാസ നിധിയിലേക്ക് സംഭാവന ചെയ്ത് കാരുണ്യത്തിന്റെ മാതൃകയായിത്തീർന്നിരിക്കുന്നു ഈ കുട്ടി. അധ്യാപക ദിനാചരണത്തിന്റെ ഭാഗമായി സംഘടിപ്പിക്കപ്പെട്ട പ്രത്യേക അസംബ്ലിയിൽ വെച്ചാണ് മിഷാൽ തന്റെ പിതാവിനൊപ്പമെത്തി തുക ബഹു. ഹെഡ്മാസ്റ്റർക്കും, സ്കൂൾ സമ്പാദ്യ പദ്ധതിയുടെ ചുമതലയുള്ള സൈദലവി മാഷിനും കൈമാറിയത്.. ബഹു .പി .ടി .എ .പ്രസിഡണ്ട് മഹ്മൂദ് ബെള്ളൂർ  വിദ്യാലയത്തിന്റെ സ്‌നേഹോപഹാരം വിദ്യാർത്ഥിക്ക് നല്കി ആദരിച്ചു

..