Sunday 11 September 2016

അനുകരണീയമായ ഒരു മൊഗ്രാൽപുത്തൂർ ജി.എച്ച്.എസ്.എസ് മാതൃക കൂടി: :.... .............................



അധ്യാപക-രക്ഷാകർതൃ കൂട്ടായ്മയിൽ മൊഗ്രാൽപുത്തൂർ ജി.എച്ച് എസ്.എസിലെ എട്ടാം തരം വരെയുള്ള മുഴുവൻ കുട്ടികൾക്കും (എ.പി.എൽ, ബി.പി.എൽ വ്യത്യാസമില്ലാതെ) യൂനീഫോം ലഭ്യമാക്കുന്ന പദ്ധതിക്ക് തുടക്കമായി .... ഇടനിലക്കാരെ പൂർണ്ണമായും ഒഴിവാക്കി അധ്യാപക-രക്ഷാകർതൃപ്രതിനിധികൾ നേരിട്ട് മിൽ തുണികൾ വാങ്ങിയാണ് ഏറ്റവും ഉയർന്ന നിലവാരത്തിലുള്ള ഷർട്ടിംഗ്, സ്വൂട്ടിംഗ് തുണികൾ മുഴുവൻ വിദ്യാർത്ഥികൾക്കും നൽകുന്നത്. മുഴുവൻ പെൺകുട്ടികൾക്കും യൂ നീ ഫോമിന്റെ ഭാഗമായി ഓവർക്കോട്ടു കൂടി ഇതിൽ നിന്നും നൽകുന്നൂ എന്ന പ്രത്യേക തകൂടിയുണ്ട് ഇടനിലക്കാരെ ഒഴിവാക്കിയതിലൂടെയുണ്ടായ ബുദ്ധിമുട്ടുകൾ അധ്യാപക-രക്ഷാകർതൃ കൂട്ടായ്മയിലൂടെ മറികടക്കാൻ കഴിഞ്ഞിട്ടുണ്ട്.എ.പി.എൽ എന്ന ലേബലുള്ളതിനാൽ സർക്കാർ യൂനീഫോം ലഭിക്കാത്ത പാവപ്പെട്ട കുട്ടികളെ മുന്നിൽ കണ്ടു കൊണ്ടും ഇടനിലക്കാരുടെ ചൂഷണം ഒഴിവാക്കി മുഴുവൻ കുട്ടികൾക്കും മികച്ച തുണികൾ ലഭിക്കണമെന്ന ആഗ്രഹത്തിൽ നിന്നുമാണ് ഇത്തരമൊരു ആശയം അധ്യാപകർ പി.ടി.എ.യുടെ സഹകരണത്തോടെ നടപ്പിൽ വരുത്തിയത്

മെഗാ പൂക്കളo

മൊഗ്രാൽപുത്തൂർ: മൈലാഞ്ചി അണിഞ്ഞും കൂറ്റൻ പൂക്കളമൊരുക്കിയും മാനവ സൗഹൃദത്തിന്റെയും ഒരുമയുടെയും സന്ദേശവുമായി ബക്രീദ് - ഓണം ആഘോഷം .മൊഗ്രാൽപുത്തൂർ ഗവ.ഹയർ സെക്കന്ററി സ്കൂളിലാണ് മൈലാഞ്ചിയിടൽ മത്സരവും ആയിരത്തോളം കുട്ടികളുടെ കൂട്ടായ്മയിൽ തീർത്ത പൂക്കളമിടലും അരങ്ങേറിയത്....... 


Tuesday 6 September 2016

Teachers' day

മൊഗ്രാൽപുത്തൂർ: വിദ്യാലയത്തിലെ അമ്പതോളം അധ്യാപകർ ,ആറാംതരക്കാരിയുടെ മുന്നിൽ അനുസരണയുള്ള കുട്ടികളായി മാറിയും മുഴുവൻ അധ്യാപകർക്കും വിദ്യാർഥികൾ പേരത്തൈക ളും ആശംസാ കാർഡുകൾ കൈമാറിയും സ്കൂൾ അസംബ്ലി കുട്ടികൾ മാത്രം നിയന്ത്രിച്ചും മൊഗ്രാൽപുത്തൂർ ഗവ.ഹയർ സെക്കന്ററി സ്കൂളിൽ വേറിട്ട അധ്യാപക ദിനാചരണം....... 


ആറാം തരത്തിലെ ആസിയത്ത് റിസയാണ് ദാവണിയും ചുറ്റി അധ്യാപികയുടെ തലയെടുപ്പോടെ ഗൗരവം ഒട്ടും ചോരാതെ ഗണിതത്തെ അര മണിക്കൂർ നേരംമധുരതരമാക്കി മാറ്റിയത്. അധ്യാപക ദിനാഘോഷത്തിന്റെ ഭാഗമായി വിളിച്ചു ചേർത്ത പ്രത്യേക അസംബ്ലി നിയന്ത്രിച്ചത് സ്കൂൾ ലീഡർ ഷഹ്ബൻ ഷാ, അബ്ദുൾ അനസ്, മുഹമ്മദലി ജൗഹർ, മുഹമ്മദ് ഹസ്കർ എന്നിവരായിരുന്നു.പ്രധാനാധ്യാപകൻ കെ.അരവിന്ദ, പി.ടി എ.പ്രസിഡന്റ് പി.ബി.അബ്ദുറഹിമാൻ, സി.വി.സുബൈദ എന്നിവർ സംസാരിച്ചു.