നവ്യാനുഭവമായി അറബിക് ദിനാചരണം

മൊഗ്രാല്‍പുത്തൂര്‍: ആശംസാകാര്‍ഡിലൂടെ അറബിഭാഷയെ അധ്യാപകര്‍ക്കും വിദ്യാര്‍ഥികള്‍ക്കും പരിചയപ്പെടുത്തിക്കൊണ്ട് മൊഗ്രാല്‍പുത്തൂര്‍.ജി.എച്ച്.എസ്.എസില്‍ അന്താരാഷ്ട്ര അറബി ദിനാചരണം  നടന്നു. 28 രാഷ്ട്രങ്ങളുടെ ഒൗദ്യോഗികഭാഷയാണ് അറബിയെന്നതുള്‍പ്പെടെയുളള അറിവുകളും ആശംസാകാര്‍ഡുകളോടൊപ്പം കൈകളിലെത്തിയപ്പോള്‍ ഭാഷയെ കൂടുതല്‍ അടുത്തറിയുന്നതിലേക്ക്  കുട്ടികളെയും അധ്യാപകരെയും നയിക്കുന്ന പുതുഅനുഭവമായി ദിനാചരണം മാറുകയുണ്ടായി. അലിഫ് അറബിക്ക് ക്ളബ്ബിന്‍റെ ആഭിമുഖ്യത്തില്‍ സംഘടിപ്പിച്ച പരിപാടിയുടെ ഉദ്ഘാടനം ഹെഡ്മാസ്റ്റര് കെ.അരവിന്ദ നിര്‍വ്വഹിച്ചു. അബ്ദുല്‍ ഹമീദ്, വിനോദ്കുമാര്‍, അബ്ദുസ്സലാം, സിന്ധു‍, രാധിക തുടങ്ങിയവര്‍ സംബന്ധിച്ചു. റംല പാറക്കല്‍ സ്വാഗതവും സൈദലവി നന്ദിയും പറഞ്ഞു. ദിനചരണത്തോടനുബന്ധിച്ച് കയ്യെഴുത്ത് മാഗസിന്‍ നിര്‍മ്മാണം, ഡോക്യുമെന്‍ററി പ്രദര്‍ശനം തുടങ്ങി വിവിധങ്ങളായ പരിപാടികള്‍ അറബി ക്ളബ്ബിന്‍റെ ആഭിമുഖ്യത്തില്‍ സംഘടിപ്പിക്കാനും തീരുമാനിച്ചു.

കാസറഗോഡ് ഉപജില്ലാ ശാസ്ത്രോത്സവം;ഉത്സവ പ്രതീതിയില്‍ മൊഗ്രാല്‍ പുത്തൂര്‍..

കാസര്‍കോട് ഉപജില്ലാ സ്കൂള്‍ ശാസ്ത്രോത്സവത്തെ വരവേല്‍ക്കാന്‍ തയ്യാറായി നില്‍ക്കുകയാണ് ജി എച്ച് എസ്‌ എസ്‌ മൊഗ്രാല്‍ പുത്തൂര്‍. കാസര്‍കോട് ഉപജില്ലയിലെ എല്‍. പി. മുതല്‍ ഹയര്‍ സെക്കണ്ടറി തലം വരെയുളള നൂറിലധികം സ്കൂളുകളില്‍ നിന്നായി രണ്ടായിരത്തിലധികം ശാസ്ത്ര പ്രവൃത്തി പരിചയ പ്രതിഭകള്‍ മാറ്റുരക്കുന്ന ശാസ്ത്ര ഉത്സവം ഒക്ടോബര്‍ 23, 24 തീയ്യതികളിലായി മൊഗ്രാല്‍ പുത്തൂര്‍ ഹയര്‍ സെക്കണ്ടറിയില്‍ വെച്ച് നടത്തപ്പെടുന്നു.

സാമൂഹ്യ ശാസ്ത്ര മേള, പ്രവൃത്തി പരിചയ മേള, ശാസ്ത്ര മേള, ഗണിത ശാസ്ത്ര മേള, ഐ.ടി മേള എന്നിങ്ങനെ വൈവിധ്യങ്ങളായ പരിപാടികള്‍ ശാസ്ത്രോത്സവത്തില്‍ അരങ്ങേറും. കുട്ടി ശാസ്ത്രജ്ഞന്‍മാര്‍  അവരുടെ കഴിവ് തെളിയിക്കാന്‍ മൊഗ്രാല്‍ പുത്തൂര്‍ ഹയര്‍ സെക്കണ്ടറി കലാലയ മുറ്റത്തെത്തുമ്പോള്‍ ഇതൊരു വന്‍ വിജയമാക്കിത്തീര്‍ക്കാന്‍ പഞ്ചായത്ത് ഭരണസാരഥികള്‍, നാട്ടിലെ സാമൂഹിക, സാംസ്കാരിക, കലാ കായിക, ആരോഗ്യ, വിദ്യഭ്യാസ, ജീവകാരുണ്യ മേഖലകളില്‍ പ്രവര്‍ത്തിക്കുന്ന ക്ലബ്ബുകള്‍, സന്നദ്ധ സംഘടനകള്‍, കച്ചവട മേഖലയിലുളളവര്‍, നാട്ടിലെ സുമനസ്സുകള്‍ എല്ലാവരുടെയും മുന്നൊരുക്കങ്ങള്‍ തകൃതിയായി നടക്കുന്നു.

മൊഗ്രാല്‍പുത്തൂരിന്‍റെ അക്ഷര കേന്ദ്രമായ GHSS നെ എല്ലാ അര്‍ത്ഥത്തിലും സ്മാര്‍ട്ടാക്കിയെടുക്കുന്നതിനുളള നല്ല കൂട്ടായ്മയില്‍ പങ്കാളികളായ സുമനസ്സുകള്‍ നാടിന്‍റെ ആദരവേറ്റുവാങ്ങുന്ന ചടങ്ങിനു കൂടി ശാസ്ത്രോത്സവം  വേദിയാവുന്നു.

വിദ്യാലയത്തെ അന്താരാഷ്ട്ര നിലവാരത്തില്‍ മികവിന്‍റെ കേന്ദ്രമാക്കി മാറ്റിയെടുക്കുന്നതിന്‍റെ ഭാഗമായി ഹൈടെക്ക് ക്ലാസ്സ് റൂം പദ്ധതിക്കായി വിദ്യാലയ വികസന സമിതിക്കൊപ്പം കൈകോര്‍ത്ത വ്യക്തികള്‍ക്കും , സ്ഥാപനങ്ങള്‍ക്കും , കൂട്ടായ്മയ്ക്കുമുളള സ്നേഹോപഹാരം വേദിയില്‍ വെച്ച് നടത്തപ്പെടും ,  18 വര്‍ഷങ്ങള്‍ക്കിപ്പുറം വിരുന്നെത്തുന്ന മഹാമേളയെ ഉത്സവമാക്കിത്തീ ര്‍ക്കാന്‍

മൊഗ്രാല്‍പുത്തൂര്‍ ഒരുങ്ങിക്കഴിഞ്ഞു.

കാസർഗോഡ് സബ് ജില്ലാ സ്കൂൾ ശാസ്ത്രമേള- 17 ലോഗോ പ്രകാശനം ചെയ്തു

   മൊഗ്രാൽപുത്തൂർ: കാസർഗോഡ് സബ് ജില്ലാ ശാസ്ത്രമേളയെ ഒരു നാട് നെഞ്ചേറ്റുന്നതിന്റെ ആഹ്ലാദാരവങ്ങൾ നിറഞ്ഞ അന്തരീക്ഷത്തിൽ മേളയുടെ ലോഗോ പ്രകാശനം നടന്നു ' സംഘാടക സമിതിയുടെ ചെയർമാനും, .മൊഗ്രാൽപുത്തൂർ ഗ്രാമപഞ്ചായത്ത് പ്രസിഡണ്ടുമായ ഏഏ.ജലീലാണ് ലോഗോ പ്രകാശനം ചെയ്തത്.. കാസർഗോഡ് എ ഇ ഒ .നന്ദികേശൻ, പഞ്ചായത്ത് വികസന സ്റ്റാന്റിംഗ് കമ്മിറ്റി ചെയർമാൻ മുജീബ്കമ്പാർ, ആരോഗ്യ വിദ്യാഭ്യാസ സ്റ്റാന്റിഗ് കമ്മിറ്റി ചെയർമാൻ ഹമീദ് ബള്ളൂർ, പി.ടി.എ.പ്രസിഡണ്ട് പി.ബി.അബ്ദുൾ റഹ്മാൻ, വൈപ്രസിഡണ്ട് മഹ്മൂദ് ബെള്ളൂർ, ജനറൽ കൺവീൻ കെ.രഘു, ഹെഡ്മാസ്റ്റർ കെ.അരവിന്ദ വിവിധ സബ് കമ്മിറ്റി ഭാരവാഹികൾ, ക്ലബ് പ്രതിനിധികൾ, തുടങ്ങിയവർ ചടങ്ങിൽ പങ്കെടുത്തു

കാസറഗോഡ് ഉപജില്ലാ ശാസ്ത്രമേള ഒക്ടോബര്‍ 23,24 തീയ്യതികളില്‍; സംഘാടകസമിതി രൂപീകരിച്ചു

മൊഗ്രാല്‍പുത്തൂര്‍: ഈ വർഷത്തെ ഉപജില്ലാ ശാസ്ത്രോത്സവം മൊഗ്രാൽപുത്തൂർ ഹയർ സെക്കണ്ടറി സ്കൂളിൽ നടക്കും. സ്കൂളിൽ നടന്ന വിപുലമായ സംഘാടക സമിതി രൂപീകരണയോഗത്തിൽ തദ്ദേശസ്വയംഭരണ സാരഥികൾ, വിദ്യാഭ്യാസ വകുപ്പു മേധാവികൾ, രാഷ്ട്രീയ സാമൂഹിക സാംസ്കാരിക രംഗത്തെ പ്രമുഖർ, അധ്യാപക സംഘടനാ നേതാക്കൾ, പൂർവ്വവിദ്യാർത്ഥികൾ, വിവിധ ക്ലബ് പ്രതിനിധികൾ, ഹെഡ്മാസ്റ്റർസ് ഫോറം, അധ്യാപക രക്ഷാകർതൃസമിതി അംഗങ്ങൾ തുടങ്ങിയവർ പങ്കെടുത്തു. മൊഗ്രാൽപുത്തൂർ ഗ്രാമപഞ്ചായത്ത് പ്രസിഡന്റ് ശ്രീ.എ.എ ജലീൽ ഉദ്ഘാടനം ചെയ്തു.ഉപജില്ല വിദ്യാഭ്യാസ ഓഫീസർ ശ്രീ എൻ.നന്ദികേശൻ ശാസ്ത്രാത്സവ വിഷയമവതരിപ്പിച്ചു കൊണ്ട് സംസാരിച്ചു. ഒക്ടോ: 23 ന് സാമൂഹ്യ, പ്രവൃത്തി പരിചയമേളയും 24 ന് ഗണിത, സയൻസ്, ഐ.ടി മേളയും നടക്കും. പി.ടി.എ.പ്രസിഡന്റ് പി.ബി.അബ്ദുറഹിമാന്റെ അധ്യക്ഷതയിൽ ചേർന്ന യോഗത്തിൽ പഞ്ചായത്ത് സ്ഥിരം സമിതി അംഗങ്ങളായ ഹമീദ് ബള്ളൂർ, മുജീബ് കമ്പാർ മുൻ പഞ്ചായത്ത് പ്രസിഡന്റുമാരായ അഡ്വ: പി.എ.ഫൈസൽ, എസ്.പി.സലാഹുദ്ദീൻ ഹെഡ്മാസ്റ്റർ കെ.അരവിന്ദ, മഹമൂദ് ബെള്ളൂർ, ഹനീഫ് കോട്ടക്കുന്ന്, മാഹിൻ കുന്നിൽ, പി.ദീപേഷ് കുമാർ, എം.സുരേന്ദ്രൻ, കെ.ബാലകൃഷ്ണൻ എന്നിവർ സംസാരിച്ചു. പ്രിൻസിപ്പൽ ആർ.രഘു നന്ദി പ്രകാശിപ്പിച്ചു. മേളയുടെ വിജയത്തിനായി വിവിധ കമ്മറ്റികൾ രൂപീകരിച്ചു.ചെയർമാൻ  ശ്രീ.എ.എ.ജലീൽ ജന: കൺവീനർ ശ്രീ.ആർ.രഘു

*മാനവികതയുടെ നൻമ മരങ്ങൾ പൂത്ത ഓണം _ ബക്രീദ് ആഘോഷങ്ങൾ*

മൊഗ്രാൽപുത്തൂർ:               മാനുഷരെല്ലാരുമൊന്നുപോലെ വാണ ഒരു നല്ല കാലത്തിന്റെ സമൃദ്ധിയുടെ ഓർമ്മകളുണർത്തി കൊതിയൂറും വിഭവങ്ങളോടെ ഓണസദ്യ:.

.ഇശലുകളുടെ താളം മനസ്സിലും പെരുന്നാളിന്റെ മൊഞ്ച് കൈകളിലും വിരിഞ്ഞ മൈലാഞ്ചിയിടൽ....

ഓണക്കളികളുടെ ആവേശവും ആരവവും അന്തരീക്ഷത്തിൽ അലയടിച്ചുയർത്തി മത്സരക്കളികൾ ....

അക്ഷരാർത്ഥത്തിൽ നന്മ മരങ്ങൾ പൂത്തുലയുകയായിരുന്നു മൊഗ്രാൽപുത്തൂർ ജി.എച്ച്.എസ്.എസിലെ ഓണം - ബക്രീദ് ആഘോഷവേളകളിൽ ... സംഘബോധത്തിന്റെയും, സഹവർത്തിത്വത്തിനേറെയും സാക്ഷ്യപത്രമായി പരിപാടികളിലെ പങ്കാളിത്തവും വിജയവും.. മനോജ്, അശോകൻ, രാജൻ, സുബൈദ തുടങ്ങിയ ഒരു കൂട്ടം അധ്യാപകരുടെയും ജീവനക്കാരുടെയും പാചകവൈഭവത്തിന്റെ രുചിക്കൂട്ടുകളായിരുന്നു ഓണസദ്യ ... 

പൂക്കള സദ്യയൊരുക്കാൻ ക്ലാസടിസ്ഥാനത്തിൽ വിദ്യാർത്ഥികൾ മത്സരിക്കുകയായിരുന്നു.ആവേശപൂര്‍വ്വം    ഓരോ ക്ലാസ്സും ഏറ്റെടുത്ത പൂക്കളമത്സരത്തില്‍ ദീപേഷ്കുമാര്‍, ചെല്ലപ്പ, പ്രസീന, രാധിക എന്നിവര്‍ വിധികര്‍ത്താക്കളായി വിജയികളെ തിരഞ്ഞെടുത്തപ്പോള്‍ മൊഗ്രാല്‍പുത്തൂരിന്‍റെ തന്നെ വിജയമായി മത്സരം മാറി.  

കളികളെ, അനീഷ്, രാജൻ, .അബ്ദുൾ സലാം, സ്മിത  തുടങ്ങിയ അധ്യാപകർ നിയന്ത്രിച്ചു.വിവിധ മത്സരങ്ങളിലെ വിജയികൾക്കുള്ള സമ്മാനദാനം ബഹു' പി.ടി.എ.പ്രസിഡണ്ട് പി.ബി.അബ്ദുൾ റഹ്മാൻ, ബഹു.ഹെഡ്മാസ്റ്റർ കെ.അരവിന്ദ എന്നിവർ നിർവ്വഹിച്ചു.

വികസന സെമിനാര്‍ II stage

അക്ഷരങ്ങളുടെ പുണ്യം പകര്‍ന്നു നല്‍കിയ വിദ്യാലയത്തിരുമുറ്റത്ത് പൂര്‍വ വിദ്യാര്‍ത്ഥികള്‍ കൂട്ടമായെത്തി രണ്ടാം ഘട്ട വികസന സെമിനാറിന് കൊടി പാറിച്ചപ്പോള്‍ സംഭവിച്ചത് വിസ്മയ മുഹൂര്‍ത്തം. മൊഗ്രാല്‍പുത്തൂര്‍ ഗവ. ഹയര്‍ സെക്കന്‍ഡറി സ്‌കൂളിലെ ഹൈസ്‌കൂളിലേയും ഹയര്‍ സെക്കന്‍ഡറിയിലേയും ക്ലാസ് മുറികള്‍ പൂര്‍വ വിദ്യാര്‍ത്ഥികളുടേയും നാട്ടുകാരുടേയും കൂട്ടായ്മയില്‍ ഇനി സ്മാര്‍ട്ടാകും.

 പൂര്‍വ വിദ്യാര്‍ത്ഥി സംഘടനയും റീഡ് എഡ്യൂക്കേഷന്‍ സൊസൈറ്റിയും കൈകോര്‍ത്ത് സംഘടിപ്പിച്ച സെമിനാര്‍ വേദിയില്‍ ക്ലാസ് മുറികള്‍ സ്‌പോണ്‍സര്‍ ചെയ്യാനുള്ള മത്സര വേദി കൂടിയായി മാറി.  ഓരോ ക്ലാസിന്റെയും ഡിജിറ്റലൈസേഷന്റെ മുന്നൊരുക്കത്തിന് നിശ്ചയിക്കപ്പെട്ടിരിക്കുന്ന തുക 60,000 രൂപ വീതമാണ്. ഇത്തരത്തില്‍ 24 ക്ലാസ് മുറികളും സ്‌പോണ്‍സര്‍ ചെയ്യാന്‍ വ്യക്തികളും വിവിധ ബാച്ച് പൂര്‍വ വിദ്യാര്‍ത്ഥി കൂട്ടായ്മയും സന്നദ്ധ സംഘടനകളുമൊക്കെ രംഗത്തുവന്നു.

വികസന സെമിനാര്‍ എന്‍ എ നെല്ലിക്കുന്ന് എം എല്‍ എ ഉദ്ഘാടനം ചെയ്തു. പഞ്ചായത്ത് പ്രസിഡന്റ് എ എ ജലീല്‍ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് എ ജി സി ബഷീര്‍ മുഖ്യാതിഥിയായി. വികസന സ്റ്റാന്‍ഡിംഗ് കമ്മിറ്റി ചെയര്‍മാന്‍ മുജീബ് കമ്പാര്‍ സ്വാഗതവും മുജീബ് സി എച്ച് വിഷയാവതരണവും നടത്തി. പൂര്‍വ വിദ്യാര്‍ത്ഥി സംഘടന കണ്‍വീനര്‍ മാഹിന്‍ കുന്നില്‍, ഹെഡ്മാസ്റ്റര്‍ കെ അരവിന്ദ, പി ടി എ പ്രസിഡന്റ് പി ബി അബ്ദുര്‍ റഹ് മാന്‍, പി ടി എ വൈസ് പ്രസിഡന്റ് മഹ് മൂദ് ബെള്ളൂര്‍ സംസാരിച്ചു. പ്രിന്‍സിപ്പാള്‍ സി കെ രാധാകൃഷ്ണന്‍ നന്ദി പറഞ്ഞു. സെപ്തംബര്‍ ആദ്യവാരത്തില്‍ തന്നെ ക്ലാസ് മുറികളുടെ നവീകരണ പ്രവൃത്തി ആരംഭിക്കും.

അറബിക് അസംബ്ലി

വിദ്യാലയ അസംബ്ലി പൂർണ്ണമായും അറബി ഭാഷയുടെ മന്ത്ര മധുര ധ്വനികളിൽമുഴങ്ങിയപ്പോൾ വിദ്യാർത്ഥികളിൽ അത്ഭുതവും ആദരവും - .. ഇന്ന്  വിദ്യാലയത്തിൽ നടന്നഅറബിക് അസംബ്ലിയാണ്  അസംബ്ലിയുടെ ചരിത്രത്തിലെ പുതിയ അധ്യായമായി മാറിയത്.. ഇംഗ്ലീഷ്, ഹിന്ദി, ഭാഷാ അസംബ്ലികളുടെ തുടർച്ചയായാണ് അറബിക് അസംബ്ലിയും നടന്നത്

പഠനത്തോടൊപ്പം കൂൺകൃഷിയും

പഠനത്തോടൊപ്പം കൂൺകൃഷിയും അതോടൊപ്പം സമ്പാദ്യവും കണ്ടെത്തുകയാണ് മൊഗ്രാൽപുത്തൂർ ഹയർ സെക്കണ്ടറി സ്കൂളിലെ കുട്ടികൾ. കൂൺകൃഷിയിലൂടെ പോഷക സമ്യദ്ധമായ കൂണുകൾ ഉത്പാദിപ്പിച്ച് മാതൃകയായിരിക്കുകയാണ് പരിസ്ഥിഥി ക്ലബിലെ കുട്ടികൾ. കൂൺകൃഷിയുടെ ആദ്യ വിളവെടുപ്പ് ബഹു: ഹെഡ്മാസ്റ്റർ കെ.അരവിന്ദ നിർവഹിക്കുകയുണ്ടായി..പഠനത്തോടൊപ്പം സമ്പാദ്യം എന്ന പദ്ധതിയിലുൾപ്പെടുത്തിയ ഈ കൃഷിയിലൂടെ ലഭിക്കുന്ന കൂണുകൾക്ക് ആവശ്യക്കാർ ഏറിവരികയാണ്.കാസർഗോഡ് സി.പി.സി.ആർ.ഐയിലെ കൃഷി വിഞ്ജാന കേന്ദ്രത്തിലെ ഗവേഷകനായ സനൽ, റിസോർസ് പേർസണായ പണ്ഡുരംഗ എന്നിവരും സ്കൂൾ അധ്യാപകനായ എം.എൻ രാഘവയുമാണ് ഇതിന് നേതൃത്വം നൽകുന്നത് .ആദ്യ വിളവെടുപ്പ് സീനിയർ അധ്യാപകനായ കെ.അബ്ദുൾ ഹമീദ് ഏറ്റുവാങ്ങി.കൂൺകൃഷി രീതിയെക്കുറിച്ച് ക്ലാസും  നടത്തുകയുണ്ടായി.എം.സുരേന്ദ്രൻ, സി.വി.സുബൈദ, വിനോദ് കല്ലത്ത് എന്നിവർ സംസാരിച്ചു. കൃഷി കൂടുതൽ വിപുലപ്പെടുത്താനൊരുങ്ങുകയാണ് അധ്യാപകരും കുട്ടികളും

*ദേശസ്നേഹത്തിന്‍ അലകളുയര്‍ത്തി സ്വാതന്ത്ര്യദിനാഘോഷം*

മൊഗ്രാല്‍പുത്തൂര്‍:‍ വിണ്ണില്‍ ത്രിവര്‍ണ്ണപതാക പറന്നുയര്‍ന്നപ്പോള്‍  മണ്ണിലെ  മനസ്സുകളില്‍  ദേശസ്നേഹത്തിന്‍ അലകളുയര്‍ത്തി രാജ്യത്തിന്‍റെ എഴുപത്തിയൊന്നാം സ്വാതന്ത്ര്യദിനാഘോഷം നടന്നു.. 

സ്വാതന്ത്ര്യം  എന്ന ഒറ്റ ലക്ഷ്യം മാത്രം മുന്നില്‍ക്കണ്ട് നമ്മുടെ മുന്‍ഗാമികള്‍ രക്തവും  ജീവനും നല്‍കി പോരാട്ടത്തിലൂടെ രാജ്യത്തിന് നേടിത്തന്ന സ്വാതന്ത്ര്യത്തിന്‍റെ  വാര്‍ഷികാഘോഷം ചരിത്രങ്ങളിലൂടെയുളള സഞ്ചാരത്തിനും മാതൃഭൂമിയോടുളള സ്നേഹപ്രകടനത്തിനും വഴിയൊരുക്കുന്നതായി.

രാവിലെ നടന്ന അസംബ്ളിയില്‍ ആഘോഷപരിപാടികള്‍ക്ക് തുടക്കം കുറിച്ചുകൊണ്ട് ബഹുമാന്യനായ പഞ്ചായത്ത് പ്രസിഡന്‍റ് എ.എ.ജലീല്‍ പതാക ഉയര്‍ത്തി.ഹയര്‍സെക്കന്‍ററി പ്രിന്‍സിപ്പാള്‍ രാധാകൃഷ്ണന്‍ സാര്‍, ഹെഡ്മാസ്റ്റര്‍ കെ.അരവിന്ദ,പി.ടി.എ പ്രസിഡന്‍റ് അബ്ദുറഹ്മാന്‍, വൈസ്പ്രസിഡന്‍റ് മഹ്മൂദ് ബളളൂര്‍, സ്റ്റാഫ് സെക്രട്ടറി ദീപേഷ്കുമാര്‍ തുടങ്ങിയവര്‍ സ്വാതന്ത്ര്യദിനസന്ദേശം നല്‍കി.‍ തുടര്‍ന്ന് നടന്ന ജെ.ആര്‍.സി.പരേഡില്‍  സ്റ്റാന്‍റിംഗ് കമ്മിറ്റി ചെയര്‍മാര്‍ മുജീബ് കമ്പാര്‍ സല്യൂട്ട് സ്വീകരിച്ചു.

അകാലത്തില്‍ പൊലിഞ്ഞുപോയ ഹിന്ദി അധ്യാപിക ചന്ദ്രികടീച്ചറുടെ പേരിലുളള എന്‍ഡോവ്മെന്‍റ് വിതരണവും നടന്നു.

ബഹുവര്‍ണ്ണദണ്ഡുകളേന്തി വിദ്യാര്‍ത്ഥികള്‍ അവതരിപ്പിച്ച ഡിസ്പ്ലേ ആഘോഷപരിപാടികള്‍ക്ക് മാറ്റുകൂട്ടി.

തുടര്‍ന്ന്, വന്ദേമാതരത്തിന്‍റെ അകമ്പടിയോടെ കുട്ടികള്‍  ദേശീയപതാകയിലെ വര്‍ണ്ണങ്ങളേന്തി ചൂവടുവെച്ചുകൊണ്ടുളള സംഗീതശില്പം, സ്വാതന്ത്ര്യസമരചരിത്രസംഭവങ്ങളെ കോര്‍ത്തിണക്കിയ ചിത്രീകരണം,  സ്കിറ്റ് , ദേശഭക്തിഗാനം, പ്രസംഗം തുടങ്ങി കുട്ടികള്‍ അവതരിപ്പിച്ച വിവിധകലാപരിപാടികള്‍ അരങ്ങേറി.

മുഴുവന്‍ കുട്ടികള്‍ക്കും പായസവിതരണവും നടത്തി.സുബൈദ.സി.വി, രാജന്‍ കോട്ടപ്പുറം, മനോജ്, സവിത, രാജേഷ് തുടങ്ങിയവര്‍ നേതൃത്വം നല്‍കി.

യുദ്ധത്തിന്‍റെ ദുരിതങ്ങളുടെ ഒാര്‍മ്മപ്പെടുത്തലുകളുമായി ഹിരോഷിമ-നാഗസാക്കി ദിനാചരണം*

യുദ്ധത്തിന്‍റെ ദുരിതങ്ങളുടെ ഒാര്‍മ്മപ്പെടുത്തലുകളുമായി ഹിരോഷിമ-നാഗസാക്കി ദിനാചരണം*

മൊഗ്രാല്‍പുത്തൂര്‍: യുദ്ധം ലോകത്തിന് നല്‍കിയ ദുരിതങ്ങളുടെ ഒാര്‍മ്മപ്പെടുത്തലുകളുമായി GHSS മൊഗ്രാല്‍പുത്തൂരില്‍ ഹിരോഷിമ-നാഗസാക്കി ദിനാചരണം നടന്നു. സയന്‍സ്-സോഷ്യല്‍സയന്‍സ് ക്ളബ്ബുകളുടെ സംയുക്താഭിമുഖ്യത്തില്‍ വിവിധപരിപാടികള്‍ സംഘടിപ്പിച്ചു. ദിനാചരണത്തോടനുബന്ധിച്ച്  നടന്ന പ്രത്യേക അസംബ്ളിയില്‍ ഹെഡ്മാസ്റ്റര്‍ കെ.അരവിന്ദ സമാധാനത്തിന്‍റെ പ്രതീകമായ വെളളരിപ്രാവിനെ പറത്തുകയും യുദ്ധവിരുദ്ധസന്ദേശം നല്‍കുകയും ചെയ്തു. തുടര്‍ന്നു നടന്ന പ്രസംഗത്തില്‍ യുദ്ധത്തിന്‍റെ  കെടുതികള്‍ വിശദീകരിക്കപ്പെട്ടു. കുട്ടികള്‍ സഡാക്കോ കൊക്കുകള്‍ ഉണ്ടാക്കി. യു.പി, ഹൈസ്ക്കൂള്‍ കുട്ടികള്‍ പങ്കെടുത്ത യുദ്ധവിരുദ്ധസൈക്കിള്‍ റാലി നടത്തി. സ്ക്കൂളില്‍ നിന്ന് ആരംഭിച്ച റാലി സീനിയര്‍ അസിസ്റ്റന്‍റ് ഹമീദ് മാസ്റ്റര്‍ ഫ്ളാഗ് ഒാഫ് ചെയ്തു. കുന്നില്‍ വഴി  മൊഗ്രാല്‍പുത്തൂരെത്തിയ റാലി യുദ്ധവിരുദ്ധസന്ദേശം നല്‍കി തിരികെയെത്തി. വിനോദ് കുമാര്‍,, രാജന്‍ കോട്ടപ്പുറം, G.K.ഭട്ട് സാര്‍, സൈദലവി എന്നിവര്‍ റാലിയെ അനുഗമിച്ചു.

ചാന്ദ്രയാത്ര സ്‌ക്രീനില്‍;

വിസ്മയക്കാഴ്ചകള്‍ സ്വന്തമാക്കി കുരുന്നുകള്‍ 

മൊഗ്രാല്‍പുത്തൂര്‍: വര്‍ഷങ്ങള്‍ക്കു മുമ്പ് മാനവരാശിക്ക് വന്‍കുതിച്ചുചാട്ടമായി മനുഷ്യന്‍ ചന്ദ്രനില്‍ കാല്‍കുത്തിയതിന്‍റെ ദൃശ്യങ്ങള്‍ കുഞ്ഞുകണ്ണുകളില്‍ അദ്ഭുതക്കാഴ്ച്ചകളായി സ്ക്രീനില്‍ തെളിഞ്ഞു. ചാന്ദ്രദിനത്തോടനുബന്ധിച്ച് ജി.എച്ച്.എച്ച്.മൊഗ്രാല്‍പുത്തൂരിലാണ് ചാന്ദ്രയാത്രയുടെ നേരനുഭവങ്ങള്‍ കുട്ടികള്‍ക്ക് സമ്മാനിച്ച് കൊണ്ടുളള വീഡിയോപ്രദര്‍ശനം നടത്തിയത്. ഗലീലിയോ ഗലീലീയെ കുറിച്ചുളള ചെറുവിവരണത്തിലൂടെ ആരംഭിച്ച പ്രദര്‍ശനത്തിലൂടെ ചന്ദ്രനെക്കുറിച്ചും ചാന്ദ്രയാത്രയെ കുറിച്ചും കുട്ടികള്‍ അടുത്തറിഞ്ഞു.

കൂടാതെ സ്കൂള്‍ ആകാശവാണിയിലൂടെ സംഘടിപ്പിക്കപ്പെട്ട ക്വിസ്  മത്സരം കുട്ടികള്‍ക്ക് പുതുഅനുഭവമേകി.

ക്ളാസ്സില്‍ ചുമര്‍പ്രതിക നിര്‍മ്മാണം, കുട്ടികള്‍ക്കായി ചാര്‍ട്ട് നിര്‍മ്മാണ മത്സരംതുടങ്ങിയ വ്യത്യസ്തപരിപാടികളും സംഘടിപ്പിച്ചു. വിനോദ് കുമാര്‍ , ഷംലബീഗം , സൗരഭ, സൈദലവി ,ഫസലുറഹ്മാന്‍  എന്നിവര്‍ പരിപാടിക്ക് നേതൃത്വം നല്‍കി.

മൊഗ്രാൽപുത്തൂർ: ഹരിത പെരുമാറ്റചട്ടം

മൊഗ്രാൽപുത്തൂർ: ഹരിത പെരുമാറ്റചട്ടം നടപ്പിൽ വരുത്താൻ വിവിധ കർമപദ്ധതികൾക്ക് തുടക്കമിട്ടും മഴക്കൊയ്ത്ത് ഉത്സവം നടത്തിയും മൊഗ്രാൽപുത്തൂർ ഗവ.ഹയർ സെക്കന്ററി സ്കൂൾ. സംസ്ഥാനസർക്കാർ പ്രഖ്യാപിച്ച ഹരിത പെരുമാറ്റ ചട്ടത്തിന്റെ ഭാഗമായി മുഴുവൻ അധ്യാപകരും മഷിപ്പേന ഉപയോഗിച്ചും പ്ലാസ്റ്റിക് വാട്ടർബോട്ടിലുകൾ ഉപേക്ഷിച്ചുമാണ് കുട്ടികൾക്കു മുമ്പാകെ മാതൃക പകരുന്നത്.ഇതിന്റെ തുടർച്ചയായി വിദ്യാലയത്തിലെ 1500 ഓളം വിദ്യാർഥികളും പ്ലാസ്റ്റിക് ബോൾ പേനയും പ്ലാസ്റ്റിക് വെള്ളക്കുപ്പികളും ഉപേക്ഷിക്കും. ഇവ കർശനമായി പാലിക്കാൻ കുട്ടികളുടെ ശുചിത്വ സേന തന്നെ രംഗത്തിറങ്ങും.                        സ്കൂളിലെ മൂന്ന് കെട്ടിടങ്ങളുടെ മേൽക്കൂര യെ മഴക്കൊയ്ത്തുത്സവത്തിന് സജ്ജമാക്കി കിണർ റീചാർജ് ചെയ്യുന്നതിനായി കുട്ടികളുടെ നേതൃത്വത്തിൽ മേൽക്കൂരകൾ വൃത്തിയാക്കി. വൻതോതിലുള്ള മഴക്കൊയ്ത്തിലൂടെ സ്കൂൾ സ്ഥിതി ചെയ്യുന്ന പഞ്ചത്ത് കുന്നിലെയും പരിസരങ്ങളിലെയും കുടിവെള്ള ക്ഷാമം പരിഹരിക്കപ്പെടുമെന്നാണ് പ്രതീക്ഷ. സ്കൂളിലെ ഗ്രീൻ ബെൽറ്റിൽ നൂറും പഞ്ചത്തുകുന്നിൽ ഇരുന്നൂറും വൃക്ഷത്തൈകൾ നടും.            ഹരിത ക്യാമ്പസ് പദ്ധതിയുടെ ഉദ്ഘാടനം പ്രധാനാധ്യാപകൻ കെ അരവിന്ദ   നിർവഹിച്ചു.എം സുരേന്ദ്രൻ, സി വി സുബൈദ, സെയ്ദലവി, പി ദീപേഷ് കുമാർ എന്നിവർ സംസാരിച്ചു.  

മഷിപ്പേന

മൊഗ്രാൽപുത്തൂർ: ഹരിത ക്യാമ്പസ് ലക്ഷ്യത്തിനായി പ്രധാനാധ്യാപകൻ മാതൃകയായി. മൊഗ്രാൽപുത്തൂർ ഗവ.ഹയർ സെക്കന്ററി സ്കൂളിലാണ് അറുപത് അധ്യാപകർക്ക് മഷിപ്പേന സമ്മാനിച്ച് പ്രധാനാധ്യാപകൻ തന്നെ നല്ല തുടക്കമിട്ടത്.                  വിദ്യാലയത്തെ പ്ലാസ്റ്റിക്കു കൊണ്ട് നിർമിച്ച റീഫിൽ പേനകളിൽ നിന്ന് മുക്തമാക്കാൻ തീരുമാനിച്ചിരുന്നു.ഇതിന്റെ ആദ്യഘട്ടം എന്ന നിലയിൽ സഹപ്രവർത്തകർക്ക് മഷിപ്പേന നൽകി പ്രധാനാധ്യാപകൻ കെ അരവിന്ദയാണ് സീനിയർ അസിസ്റ്റൻറ് കെ അബ്ദുൾ ഹമീദിന്‌ കൈമാറി പദ്ധതിയുടെ ഉദ്ഘാടനം നിർവഹിച്ചത്. ഇനിയുള്ള നാളുകളിൽ സ്കൂളിലെ 1500 ഓളം കുട്ടികളും മഷിപ്പേന കൊണ്ടെഴുതി പ്ലാസ്റ്റിക്കിനെതിരെയുള്ള ചരിത്രമെഴുതിച്ചേർക്കും. ഇക്കോ ക്ലബ്ബ് കൺവീനർ എം സുരേന്ദ്രൻ സ്വാഗതം പറഞ്ഞു.

പരിസ്ഥിതി സംരക്ഷണ പ്രവർത്തന

നാലു ചുവരുകൾക്കുള്ളിൽ ഒതുങ്ങുന്നതല്ല പരിസ്ഥിതി സംരക്ഷണ പ്രവർത്തനങ്ങളെന്ന് ഒരിക്കൽ കൂടി തെളിയിച്ചിരിക്കയാണ് മൊഗ്രാൽപുത്തൂരിലെ കുട്ടി കൾ .സ്കൂളിനടുത്തുള്ള പ്രൈമറി ഹെൽത്ത് സെന്ററിൽ 50 ഓളം കുഴികളെടുത്ത് തേക്കിൻതൈകൾ വെച്ചുപിടിപ്പിക്കാൻ ഒരുങ്ങുകയാണവർ.ഇക്കോ ക്ലബ്ബിലെ 25 ഓളം കുട്ടികളാണ് ഇതിനു വേണ്ടി പ്രവർത്തിക്കുന്നത്.പഞ്ചത്ത് കുന്നിനെ ഹരിതാഭമാക്കുന്നതിന്റെ ഭാഗമായുള്ള ഈ പരിപായുടെ ഉദ്ഘാടനം ആശുപത്രി പരിസരത്ത്തേക്കിൻതൈകൾ നട്ടു കൊണ്ട് മെഡിക്കൽ ഓ ഫീസർ ഡോ: ഹിദായത്ത് അൻസാരിയും ഹെഡ്മാസ്റ്റർ കെ.അരവിന്ദയും ചേർന്ന് നിർവ്വഹിച്ചു.

ഭാഷാ സംഗമഭൂമിയിലെ സൗഹൃദ കൂട്ടായ്മയായ് ഇഫ്താർ

ഭാഷാ സംഗമഭൂമിയിലെ സൗഹൃദ കൂട്ടായ്മയായ് ഇഫ്താർ                                      മൊഗ്രാൽപുത്തൂർ: അവാച്യമായ നോമ്പ് തുറയുടെ അനുഭൂതിക്കായി കാത്തിരിക്കുന്ന കൂട്ടായ്മ ...നോമ്പ് നോൽക്കലിന്റെ നേരനുഭവങ്ങൾ പങ്കിടുന്ന സൗഹൃദാന്തരീക്ഷം, മഗ് രിബിന്റെ പുണ്യകാഹളം അന്തരീക്ഷത്തിൽ മുഴങ്ങിയപ്പോൾ മുന്നിൽ നിരത്തിയ നോമ്പ് തുറ വിഭവങ്ങളാൽ നോമ്പ് പകലിന് അറുതി; ... മൊഗ്രാൽപുത്തൂർ ജി.എച്ച്.എസ്.എസിൽ നടന്ന സമൂഹ നോമ്പ് തുറ ചടങ്ങിലെ വൈവിധ്യമാർന്ന വൈകാരിക മുഹൂർത്തങ്ങളിൽ ചിലതായിരുന്നു ഇവ... രുചിയൂറുന്ന വിഭവങ്ങളാലും, നോമ്പനുഷ്ഠാന സംസ്കൃത മാനസങ്ങളാലും, അളവില്ലാത്ത സൗഹൃദങ്ങളാലും സമ്പന്നമായ അർത്ഥവത്തായ ഇഫ്താർ ആയി ചടങ്ങ് മാറി. പി.ടി.എ.യുടെ അധ്യക്ഷൻ പി.ബി.അബ്ദുൾ റഹ്മാൻ അധ്യക്ഷത വഹിച്ച ചടങ്ങിൽ ഹെഡ്മാസ്റ്റർ കെ.അരവിന്ദ സ്വാഗതവും, പ്രിൻസിപ്പാൾ കെ.ബാലകൃഷ്ണൻ ഉദ്ഘാടനവും, സ്റ്റാഫ് സെക്രട്ടറി പി. ദീപേഷ് കുമാർ നന്ദി പ്രകടനവും നടത്തുകയുണ്ടായി: സാമൂഹ്യ പ്രവർത്തകനായ മാഹിൻ കുന്നിൽ സീനിയർ അസിസ്റ്റന്റ് അബ്ദുൾ ഹമീദ്, അധ്യാപകരായ എം.സുരേന്ദ്രൻ, ഫസൽ, സൈദലവി,സലാം, രാജേഷ്, രഘു, ഷൗജത്ത്, സുബൈദ, റംല, നസീമ ,ശ്രീജ തുടങ്ങിയവർ സംസാരിച്ചു

അന്താരാഷ്ട്രാ യോഗാ ദിനാചരണം

ജൂൺ 21- അന്താരാഷ്ട്രാ യോഗാ ദിനാചരണം   മൊഗ്രാൽപുത്തൂർ:   രോഗാതുരമാണ് കേരളത്തിന്റെ വർത്തമാനകാല ജീവിതം..പ്രായത്തെ കാത്തു നിൽക്കാത്ത, ക്ഷണിക്കപ്പെടാത്ത അതിഥികളായി മാരക രോഗങ്ങൾ പോലും വന്നെത്തുമ്പോൾ കുഞ്ഞുങ്ങൾ പോലും നിത്യരോഗികളായി മാറുന്നു .. അകാലവാർദ്ധക്യം ബാധിച്ച നിഷ്കളങ്കത കൾ നിത്യ കാഴ്ച്ചകളായി മാറുന്നു.ശരീരത്തിന്റെയും, മനസ്സിന്റെയും ആരോഗ്യ മില്ലായ്മയാൽ ആശങ്കാകുലമായ ഒരു സമൂഹത്തിന് മുമ്പിൽ മൃതസഞ്ജീവനിയായി യോഗ ....                                    അന്താരാഷ്ട്രാ യോഗാ ദിനാചരണത്തിന്റെ ഭാഗമായി തങ്ങളുടെ പ്രിയ കായികാധ്യാപകൻ യോഗാ പരിശീലകനായെത്തിയപ്പോൾ കൗതുകമാന സരായി ജി.എച്ച് എസ്.എസ്. മൊഗ്രാൽപുത്തൂരിലെ ആയിരക്കണക്കിനു വിദ്യാർത്ഥികൾ ... മഴ യോഗക്കായി വഴിമാറിയപ്പോൾ നിർദ്ദേശങ്ങൾ പ്രവർത്തനങ്ങളായി മാറി.. അധ്യാപകനൊപ്പം വിദ്യാർത്ഥികൾ യോഗായുടെ ബാലപാഠങ്ങളിലേക്ക് .. തുടർന്ന് വിവിധ ആസനങ്ങളും ക്രിയകളും വിദ്യാർത്ഥികൾക്കും അധ്യാപകർക്കുമായി ശ്രീ.ജി.കെ.ഭട്ട് വേദിയിൽ പരിപാടിയുടെ ഭാഗമായി അവതരിപ്പിക്കുകയുണ്ടായി..

ഹരിത ക്യാമ്പസ്

മൊഗ്രാൽപുത്തൂർ: ഹരിത ക്യാമ്പസ് ലക്ഷ്യത്തിനായി പ്രധാനാധ്യാപകൻ മാതൃകയായി. മൊഗ്രാൽപുത്തൂർ ഗവ.ഹയർ സെക്കന്ററി സ്കൂളിലാണ് അറുപത് അധ്യാപകർക്ക് മഷിപ്പേന സമ്മാനിച്ച് പ്രധാനാധ്യാപകൻ തന്നെ നല്ല തുടക്കമിട്ടത് വിദ്യാലയത്തെ പ്ലാസ്റ്റിക്കു കൊണ്ട് നിർമിച്ച റീഫിൽ പേനകളിൽ നിന്ന് മുക്തമാക്കാൻ തീരുമാനിച്ചിരുന്നു.ഇതിന്റെ ആദ്യഘട്ടം എന്ന നിലയിൽ സഹപ്രവർത്തകർക്ക് മഷിപ്പേന നൽകി പ്രധാനാധ്യാപകൻ കെ അരവിന്ദയാണ് സീനിയർ അസിസ്റ്റൻറ് കെ അബ്ദുൾ ഹമീദിന്‌ കൈമാറി പദ്ധതിയുടെ ഉദ്ഘാടനം നിർവഹിച്ചത്. ഇനിയുള്ള നാളുകളിൽ സ്കൂളിലെ 1500 ഓളം കുട്ടികളും മഷിപ്പേന കൊണ്ടെഴുതി പ്ലാസ്റ്റിക്കിനെതിരെയുള്ള ചരിത്രമെഴുതിച്ചേർക്കും. ഇക്കോ ക്ലബ്ബ് കൺവീനർ എം സുരേന്ദ്രൻ സ്വാഗതം പറഞ്ഞു.

നോട്ട് പുസ്തകങ്ങൾ വിതരണം ചെയ്തു.

 

നോട്ട് പുസ്തകങ്ങൾ വിതരണം ചെയ്തു.. മൊഗ്രാൽപുത്തൂർ: വിദ്യാലയത്തിലെ സഹായം ആവശ്യമായി വരുന്ന പാവപ്പെട്ട കുട്ടികൾക്ക് അൽ ഹന്ദ് ചാരിറ്റബിൾ ട്രസ്റ്റ് കാസർഗോഡിന്റെ സഹായഹസ്തം .... വിദ്യാലയത്തിലെ 150 ഓളം വിദ്യാർത്ഥികൾക്ക് സൗജന്യമായി നോട്ട് പുസ്തകങ്ങൾ വിതരണം ചെയ്താണ് സംഘം വിദ്യാലയ കാ രുണ്യ പ്രവർത്തനത്തിന് തുടക്കം കുറിച്ചിരിക്കുന്നത് ....

envoirnment day

മൊഗ്രാൽപുത്തൂർ: ഹരിത പെരുമാറ്റചട്ടം നടപ്പിൽ വരുത്താൻ വിവിധ കർമപദ്ധതികൾക്ക് തുടക്കമിട്ടും മഴക്കൊയ്ത്ത് ഉത്സവം നടത്തിയും മൊഗ്രാൽപുത്തൂർ ഗവ.ഹയർ സെക്കന്ററി സ്കൂൾ. സംസ്ഥാനസർക്കാർ പ്രഖ്യാപിച്ച ഹരിത പെരുമാറ്റ ചട്ടത്തിന്റെ ഭാഗമായി മുഴുവൻ അധ്യാപകരും മഷിപ്പേന ഉപയോഗിച്ചും പ്ലാസ്റ്റിക് വാട്ടർബോട്ടിലുകൾ ഉപേക്ഷിച്ചുമാണ് കുട്ടികൾക്കു മുമ്പാകെ മാതൃക പകരുന്നത്.ഇതിന്റെ തുടർച്ചയായി വിദ്യാലയത്തിലെ 1500 ഓളം വിദ്യാർഥികളും പ്ലാസ്റ്റിക് ബോൾ പേനയും പ്ലാസ്റ്റിക് വെള്ളക്കുപ്പികളും ഉപേക്ഷിക്കും. ഇവ കർശനമായി പാലിക്കാൻ കുട്ടികളുടെ ശുചിത്വ സേന തന്നെ രംഗത്തിറങ്ങും.                

        സ്കൂളിലെ മൂന്ന് കെട്ടിടങ്ങളുടെ മേൽക്കൂര യെ മഴക്കൊയ്ത്തുത്സവത്തിന് സജ്ജമാക്കി കിണർ റീചാർജ് ചെയ്യുന്നതിനായി കുട്ടികളുടെ നേതൃത്വത്തിൽ മേൽക്കൂരകൾ വൃത്തിയാക്കി. വൻതോതിലുള്ള മഴക്കൊയ്ത്തിലൂടെ സ്കൂൾ സ്ഥിതി ചെയ്യുന്ന പഞ്ചത്ത് കുന്നിലെയും പരിസരങ്ങളിലെയും കുടിവെള്ള ക്ഷാമം പരിഹരിക്കപ്പെടുമെന്നാണ് പ്രതീക്ഷ. സ്കൂളിലെ ഗ്രീൻ ബെൽറ്റിൽ നൂറും പഞ്ചത്തുകുന്നിൽ ഇരുന്നൂറും വൃക്ഷത്തൈകൾ നടും.            ഹരിത ക്യാമ്പസ് പദ്ധതിയുടെ ഉദ്ഘാടനം പ്രധാനാധ്യാപകൻ കെ അരവിന്ദ   നിർവഹിച്ചു.എം സുരേന്ദ്രൻ, സി വി സുബൈദ, സെയ്ദലവി, പി ദീപേഷ് കുമാർ എന്നിവർ സംസാരിച്ചു.  

പ്രവേശനോത്സവം 2017-18

 

 നവാതിഥികൾക്ക് വിസ്മയത്തിന്റെയും, ആഹ്ലാദത്തിന്റെയും വർണ്ണമുഹൂർത്തങ്ങൾ സമ്മാനിച്ച ആദ്യ ദിനം.... പ്രവേശന ഗാനത്തിന്റെ അകമ്പടിയോടെ വർണ്ണ ബലൂണുകൾ വാനിലേക്കുയർത്തി, വർണ്ണത്തൊപ്പിയും ധരിപ്പിച്ച് ആഘോഷത്തോടു കൂടിയാണ് കുരുന്നുകളെ രക്ഷിതാക്കളും, നാട്ടുകാരും അധ്യാപകരുമെല്ലാം ചേർന്ന് ക്ലാസിലേക്കാനയിച്ചത് .. അക്ഷരത്തിന്റെ മധുരം നുകരാനെത്തിയ കുരുന്നുകൾക്ക് പഠനോപകരണങ്ങൾ സൗജന്യമായി നല്കിയ വിവിധ ക്ലബ്ബുകൾ, KE SWA എന്ന സന്നദ്ധ സംഘടന, കേരളാ ഗ്രാമീൺ ബാങ്ക് മൊഗ്രാൽപുത്തൂർ, നടF മൊഗ്രാൽപുത്തൂർ യൂനിറ്റ് തുടങ്ങിയവയുടെയെല്ലാം പ്രതിനിധികൾ, കുട്ടികളെ കാണുന്നതിനും ആനയിക്കുന്നതിനും എത്തിയിട്ടുണ്ടായിരുന്നു. പാട്ടുകളും കഥകളും പാടിയും പറഞ്ഞും കണ്ടും കേട്ടും തങ്ങളുടെ ആദ്യ ദിനം കുരുന്നുകൾ അവിസ്മരണീയമാക്കി

കദന പർവ്വത്തിൽ കാരുണ്യത്തിന്റെ നീരുറവയായ് വിദ്യാർത്ഥികൾ ....

മൊഗ്രാൽപുത്തുർ: സ്വാർത്ഥതയും, താൻപോരിമയും കുലം മുടിക്കുന്ന വർത്തമാനത്തിൽ കാരുണ്യത്തിന്റെ പുത്തന ധ്യായം രചിച്ച് മൊഗ്രാൽപുത്തൂർ ജി.എച്ച്.എസ്.എസ് വിദ്യാർത്ഥികൾ .... ഉറവകൾ വറ്റുന്ന നൻമകളെ തിരിച്ചുപിടിക്കാനും, മാനവികതയുടെ മൂല്യങ്ങളെ ഉയർത്തിപ്പിടിക്കാനുമുള്ള വിദ്യാർത്ഥി കൂട്ടായ്മയ്ക്ക് നേതൃത്വം നൽകിയത് ജി.എച്ച്.എസ്.എസ്. മൊഗ്രാൽപുത്തൂരിലെ നല്ല പാഠം ക്ലബ്ബാണ് '.... ക്ലബ്ബിന്റെ നേതൃത്വത്തിൽ നടപ്പിലാക്കിയ 'ഒരുപിടി അരി' പദ്ധതിയുടെ ഭാഗമായി കാസർഗോഡ് ജനറൽ ആശുപത്രിയിലെ അശരണരായ രോഗികൾക്ക് ഒരു നേരത്തെ ഭക്ഷണം നൽകിയാണ്, ആതുര സേവനത്തിന്റെ പുതിയ മാതൃക വിദ്യാർത്ഥികൾ സമൂഹത്തിനായി നൽകിയത്.. പരിപാടിയിൽ ഹെഡ്മാസ്റ്റർ അരവിന്ദ കെ, സീനിയർ അസിസ്റ്റൻറ് അബ്ദുൾ ഹമീദ്, ക്ലബ്ബ് കൺവീനർമാരായ എം.എൻ.രാഘവ ,സുബൈദ. സി.വി., സുരേന്ദ്രൻ എം, പ്രമീള.വി.വി. പി.ടി.എ.പ്രസിഡണ്ട് പി.ബി.അബ്ദുൾ റഹ്മാൻ, സാമൂഹ്യ പ്രവർത്തകൻ മാഹിൻ കുന്നിൽ തുടങ്ങിയവർ പങ്കെടുത്തു....

മാധ്യമ ലോകത്തു നിന്നും ഗൃഹാതുരത്വത്തിന്റെ നനുത്ത ഓർമ്മകളുമായി വിദ്യാലയത്തിരുമുറ്റത്ത്.

മൊഗ്രാൽപുത്തൂർ:   കേരളത്തിന്റെ വടക്കേയറ്റത്ത് ഏറെയൊന്നും അറിയപ്പെടാത്ത മൊഗ്രാൽപുത്തൂർ ഗ്രാമത്തിൽ നിന്നും വിജയവീഥികൾ താണ്ടി ഏവരും അറിയപ്പെടുന്ന അമേരിക്കൻ മാധ്യമ ലോകത്തെത്തി അത്ഭുതങ്ങൾ തീർത്ത തങ്ങളുടെ വിദ്യാലയത്തിലെ പൂർവ്വ വിദ്യാർത്ഥി മുന്നിലെത്തിയപ്പോൾ കുരുന്നുകൾക്ക് അത് വിസ്മയത്തിന്റെയും, കൗതുകത്തിന്റെയും,, ജിജ്ഞ്ഞാസയുടെയും മുഹൂർത്തമായി... :ജി.എച്ച്.എസ്.എസ് .മൊഗ്രാൽപുത്തൂരിലെ പൂർവ്വ വിദ്യാർത്ഥിയും, അമേരിക്കൻ പത്രപ്രവർത്തകനുമായ മുഹമ്മദ് ആഷിഫ്‌ ആണ് പുതിയ തലമുറയിലെ കുട്ടികളുമായി സംവദിക്കാൻ മാതൃവിദ്യാലയത്തിലെത്തിയത്. അമേരിക്കയിലെ 'ബെസ്റ്റ് സെല്ലർ ' കൂടിയായ ഒരു പുസ്തകത്തിന്റെ രചയിതാവ് കൂടിയാണ് തങ്ങൾക്ക് മുന്നിൽ നിൽക്കുന്ന പൂർവ്വ വിദ്യാർത്ഥി എന്നറിഞ്ഞപ്പോൾ കുട്ടികൾക്ക് ചോദിക്കാനും പറയാനും ഏറെ.. ചോദ്യങ്ങൾക്കെല്ലാം കുസൃതിയും,ആവേശവും ഒപ്പം പ്രചോദനവും നിറഞ്ഞ മറുപടികൾ .. തങ്ങളുടെ വിദ്യാലയത്തെ നടക്കാവ് വിദ്യാലയം പോലെ സ്മാർട്ടാക്കാൻ സഹായിക്കാമോ എന്ന ചോദ്യത്തിനും അനുകൂലമായ മറുപടി.... ഒടുവിൽ മടങ്ങുമ്പോൾ എൽ.പി, യു.പി. വിദ്യാർത്ഥികൾക്കായി ഒരു ജൂനിയർ കമ്പൂട്ടർ ലാബ് ഒരുക്കാനായുള്ള പ്രവർത്തനം ഏറ്റെടുക്കാമെന്ന ഉറപ്പും വിദ്യാർത്ഥികൾക്കായി നൽകി: ഒ.എസ്.എ.കൺവീനർ മാഹിൻ കുന്നിൽ, ചെയർമൻ മുജീബ്കമ്പാർ, പി.ടി.എ.പ്രസിഡണ്ട് പി.ബി.അബ്ദുൾ റഹ്മാൻ തുടങ്ങിയവരും ആഷിഫിനൊപ്പം വിദ്യാലയത്തിലെത്തി

തണ്ണീർത്തട സെമിനാർ

ഭൂമിയുടെ വൃക്കകളായ തണ്ണീർത്തടങ്ങളെ സംരക്ഷിക്കാനുള്ള ആഹ്വാനവുമായി ജില്ലാതല തണ്ണീർത്തട സെമിനാർ .സാമൂഹ്യ വനവൽക്കരണ വിഭാഗത്തിന്റെ ആഭിമുഖ്യത്തിൽ മൊഗ്രാൽപുത്തൂർ ഗവ.ഹയർ സെക്കന്ററി സ്കൂളിലാണ് സെമിനാർ സംഘടിപ്പിച്ചത്.സ്കൂൾ ഇക്കോ ക്ലബ്ബിന്റെ സഹകരണത്തോടെ സംഘടിപ്പിച്ച സെമിനാർ അസിസ്റ്റന്റ് കൺസർവേറ്റർ ഓഫ് ഫോറസ്റ്റ് സ്  പി ബിജു ഉദ്ഘാടനം ചെയ്തു.പ്രധാനാധ്യാപകൻ കെ അരവിന്ദ അധ്യക്ഷനായിരുന്നു. സെക്ഷൻ ഫോറസ്റ്റ് ഓഫീസർമാരായ എൻ വി സത്യൻ, എം സുനിൽകുമാർ, ഇക്കോ ക്ലബ്ബ് കോ-ഓർഡിനേറ്റർ എം സുരേന്ദ്രൻ, സി രാമകൃഷ്ണൻ എന്നിവർ സംസാരിച്ചു. ഡോക്യുമെന്ററി പ്രദർശനവും നടന്നു.

കുടുംബ കൃഷി പുരസ്കാരം

മൊഗ്രാൽപുത്തൂർ: മണ്ണിനെ പൊന്നാക്കാൻ വീട്ടുകാർക്കൊപ്പം ചേർന്നു നിന്ന വിദ്യാർഥിനിക്ക് കുടുംബ കൃഷി പുരസ്കാരം .മൊഗ്രാൽപുത്തൂർ ഗവ.ഹയർ സെക്കന്ററി സ്കൂൾ ഇക്കോ ക്ലബ്ബാണ് കാർഷിക മികവ് പുലർത്തുന്ന കുട്ടിക്ക്അംഗീകാരം നൽകി വേറിട്ട മാതൃക പകർന്നത്. ആറാംതരത്തിലെ അലീമത്ത് നാഷിയ പുരസ്കാരത്തിനർഹയായി. സർവശിക്ഷാ അഭിയാൻ ജില്ലാ പ്രോജക്ട് ഓഫീസർ കെ രവിവർമൻ അവാർഡ് സമർപ്പണം നിർവഹിച്ചു.    ചൗക്കി നീർച്ചാലിലെ കാസിം - സുബൈദ ദമ്പതികളുടെ മകളായ നാഷിയ രക്ഷിതാക്കൾക്കൊപ്പം വെണ്ട, വഴുതിന, ചീര, മത്തൻ, വെള്ളരി, ചേന, വാഴ എന്നിവയുടെയും ആട്‌, കോഴി, പശു കൃഷിയും നല്ല നിലയിൽ നടത്തിവരുന്നു. സ്കൂളിലെ മുഴുവൻ വിദ്യാർഥികൾക്കും പച്ചക്കറിവിത്തു നൽകിയാണ് പദ്ധതിക്ക് തുടക്കമിട്ടത്. കുട്ടികളിൽ നിന്ന് അവർ ചെയ്ത വിളവുകൾ പരിശോധിക്കാൻ അധ്യാപകരായ എം സുരേന്ദ്രൻ, ടി എം രാജേഷ്, സി വി സുബൈദ, എം മനോജ് കുമാർ എന്നിവരടങ്ങിയ സമിതി വീടുകളിലെത്തി.  അവാർഡ് സമർപ്പണ ചടങ്ങിൽ പ്രധാനാധ്യാപകൻ കെ അരവിന്ദ അധ്യക്ഷനായിരുന്നു.ബി ആർ സി ട്രെയിനർ പി വേണുഗോപാലൻ, മാഹിൻ കുന്നിൽ ,എം സുരേന്ദ്രൻ, ടി എം രാജേഷ് എന്നിവർ സംസാരിച്ചു.

പൊതു വിദ്യാലയ സംരക്ഷണ യജ്ഞം

മൊഗ്രാൽപുത്തൂർ: ധനികനെന്നോ, ദരിദ്രനെന്നോ ഭേദമില്ലാതെ ഒരു നാടിന്റെ ബാല്യകൗമാരങ്ങൾക്ക് അറിവിന്റെ മധുരം പകർന്ന സ്വന്തം വിദ്യാലയത്തിന്റെ സംരക്ഷണ യജ്ഞത്തിൽ പൊതു സമൂഹം ഒഴുകിയെത്തിയത് നിറഞ്ഞ മനസ്സോടെ ... മാനവികതയുടെ കരുത്തായി, മൊഗ്രാൽപുത്തൂരിൽ മതേതരത്വത്തിന്റെ പൊതുമണ്ഡലമായി ജ്വലിച്ചു നിൽക്കുന്ന ജി.എച്ച്.എസ്.എസിന്റെ സംരക്ഷണ യജ്ഞത്തിൽ ഒരേ മനസ്സോടെ എത്തിച്ചേർന്നത് രക്ഷിതാക്കളും, സന്നദ്ധ പ്രവർത്തകരും നാട്ടുകാരുമായി 400 ലധികം പേർ.. തലമുറകൾക്ക് വിദ്യയുടെയും വിനോദത്തിന്റെയും സ്രോതസ്സായി മാറിയ തങ്ങളുടെ വിദ്യാലയത്തെ ജൈവ വൈവിധ്യതയുടെ തണലും തണുപ്പും നൽകി പൂർണ്ണമായും പ്ലാസ്റ്റിക് വിമുക്തമാക്കാൻ തങ്ങൾ പ്രതിജ്ഞാബദ്ധമാണെന്ന് ഒരേ മനസ്സോടെയാണ് അവർ പ്രഖ്യാപിച്ചത്. മൊഗ്രാൽപുത്തൂർ ഗ്രാമപഞ്ചായത്ത് പ്രസിഡണ്ട് ശ്രീ.ഏ.ഏജലീൽ ചൊല്ലിക്കൊടുത്ത പ്രതിജ്ഞ ഏക കണ്ഠമായാണ് പൊതുസമൂഹം ഏറ്റുചൊല്ലിയത്. സംരക്ഷണ യജ്ഞo സംഘാടക സമിതി കൺവീനർ ശ്രീ' മാഹിൻ കുന്നിൽ ,ചെയർമാൻ മുജീബ് കമ്പാർ, പി.ടി.എ.പ്രസിഡണ്ട്പി.ബി.അബ്ദുൾ റഹ്മാൻ ', മദർ പി.ടി.എ.പ്രസിഡണ്ട് ഷബാനാ 'വിവിധ ക്ലബ്ബുകളുടെ ഭാരവാഹികൾ, പൗരപ്രമുഖർ തുടങ്ങിയവർ നേതൃത്വം നൽകി

അശരണരുടെ അന്നദാനത്തിനായി ഒരു പിടി അരി

 മൊഗ്രാൽപുത്തൂർ: പിറന്ന നാടിന്റെ റിപ്പബ്ലിക് ദിനം കേവലം ആഘോഷിക്കാൻ മാത്രമുള്ള ഒരു ദിനം അല്ല മൊഗ്രാൽപുത്തൂരിലെ വിദ്യാർത്ഥികൾക്ക് ... അന്നം അമൃതമായി കാണുന്ന അശരണർക്കായി ഒരു ഭക്ഷണ പദ്ധതിയുടെ തുടക്കം കുറിക്കുന്ന ദിനം കൂടിയാണ്.- .ജി.എച്ച്.എസ്.എസിലെ നല്ല പാഠം ക്ലബ്ബിലെ കൂട്ടുകാരാണ് ഉദാത്തമായ ഒരു പ്രവർത്തന പദ്ധതിക്ക് തുടക്കം കുറിച്ചിരിക്കുന്നത്. കാസർഗോഡ് ജനറൽ ആശുപത്രിയിലെ പാവപ്പെട്ട അന്തേവാസികൾക്ക് ഒരു നേരത്തെ ഭക്ഷണം ആദ്യഘട്ടമായി നൽകാനാണ് ഉദ്ദേശിക്കുന്നത്.ഇതിനാവശ്യമായ മുഴുവൻ അരിയും സാധനങ്ങളും 'ഒരുപിടി അരി' പദ്ധതിയിലൂടെ വിദ്യാർത്ഥികൾ തന്നെ ശേഖരിക്കും. നല്ല പാഠം ക്ലബ്ബിന്റെ കൺവീനർമാരായ ശ്രീമതി സി.വി.സുബൈദ, എം.എൻ.രാഘവ ,ഹെഡ്മാസ്റ്റർ ശ്രീ.കെ.അരവിന്ദ തുടങ്ങിയവർ പ്രവർത്തനങ്ങൾക്ക് നേതൃത്വം നല്കി വരുന്നു

സി.പി.ടി.എ.യോഗം

 ജി.എച്ച് എസ്.എസ്. മൊഗ്രാൽപുത്തൂർ യു.പി.വിഭാഗം സി.പി.ടി.എ.യോഗം 19.0 1.2017 വ്യാഴാഴ്ച്ച 2 മണിക്ക് നടന്നു. ഏകദേശം 30 ലധികം രക്ഷിതാക്കൾ യോഗത്തിൽ പങ്കെടുത്തു.ജനുവരി 27 ന്റെ വിദ്യാലയ സംരക്ഷണ ശൃംഖല വിജയിപ്പിക്കുന്നതിനും, മറ്റ് അക്കാദമിക പ്രവർത്തനങ്ങളെക്കുറിച്ചും നിരവധി നിർദ്ദേശങ്ങൾ ഉണ്ടായി. വിദ്യാലയത്തിന്റെ പൊതു കാര്യങ്ങളെക്കുറിച്ച് ഹെഡ്മാസ്റ്റർ ശ്രീ.കെ.അരവിന്ദയും പഠന നിലവാരത്തെക്കുറിച്ച് മറ്റ് അധ്യാപകരും രക്ഷിതാക്കളുമായി സംവദിച്ചു

 

കെട്ടിടങ്ങൾ ഉദ്ഘാടനം

മൊഗ്രാൽപുത്തൂരിന്റെ വിദ്യാഭ്യാസ സാംസ്കാരിക കേന്ദ്രമായ ജി.എച്ച്.എസ് എസ് മൊഗ്രാൽപുത്തൂരിന്റെ ഭൗതിക മേഖലയിൽ ശ്രദ്ധേയമായ കൂട്ടിച്ചേർക്കലുമായി പുതിയ രണ്ട് കെട്ടിടങ്ങൾ കൂടി ഇന്ന് ഉദ്ഘാടനം ചെയ്യപ്പെട്ടു.കാസർഗോഡിന്റെ ജനകീയ എം.എൽ.എ.ശ്രീ എൻ.എ നെല്ലിക്കുന്നാണ്, പ്രഭാകരൻ കമ്മീഷനിലുൾപ്പെടുത്തി നിർമ്മിച്ച സ്റ്റേജ് -കം-ക്ലാസ് റൂമിന്റെയും, SSA യുടെ ക്ലാസ് മുറിയുടെയും ഔപചാരികമായ ഉദ്ഘാടനം നിർവ്വഹിച്ചത്: ജില്ലാ പഞ്ചായത്തിന്റെ സാരഥി ശ്രീ.ഏ.ജി.സി.ബഷീർ അധ്യക്ഷനായിരുന്നു. കെട്ടിട നിർമ്മാണം സ്തുത്യർഹമായ രീതിയിൽ നിർവ്വഹിച്ച കോൺട്രാക്ടർ ശ്രീ.അബ്ദുൾ റഹ്മാൻ സി, കലോത്സവ സബ് ജില്ലാ ഭാരവാഹികൾ, വിദ്യാരംഗം സബ് ജില്ലാ വിജയികൾ ,അധ്യാപക മേളയിലെ സംസ്ഥാന ഷോട്ട്പുട്ട് ജേതാവ് ശ്രീ മനോജ് തുടങ്ങിയവരെ ചടങ്ങിൽ ആദരിച്ചു. പ്രിൻസിപ്പാൾ ശ്രീ.കെ.ബാലകൃഷ്ണൻ, ഹെഡ്മാസ്റ്റർ ശ്രീ.കെ.അരവിന്ദ, പി.ടി.എ.പ്രസിഡണ്ട് ശ്രീ.പി.ബി.അബ്ദുൾ റഹ്മാൻ, സീനിയർ അസിസ്റ്റന്റ് ശ്രീ.കെ.അബ്ദുൾ ഹമീദ് മാസ്റ്റർ,തുടങ്ങിയവർ ചടങ്ങിൽ സംസാരിച്ചു